مجمع الزوائد ومنبع الفوائد

وَعَنْ عَبْدِ اللَّهِ بْنِ عَتِيكٍ قَالَ : سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ : " مَنْ خَرَجَ مِنْ بَيْتِهِ مُجَاهِدًا فِي سَبِيلِ اللَّهِ - عَزَّ وَجَلَّ - " . ثُمَّ قَالَ بِأَصَابِعِهِ هَؤُلَاءِ الثَّلَاثِ - الْوُسْطَى وَالسَّبَّابَةِ وَالْإِبْهَامِ - فَجَمَعَهُنَّ وَقَالَ : " وَأَيْنَ الْمُجَاهِدُونَ ؟ فَخَرَّ عَنْ دَابَّتِهِ فَمَاتَ فَقَدْ وَقَعَ أَجْرُهُ عَلَى اللَّهِ ، أَوْ لَدَغَتْهُ دَابَّةٌ فَمَاتَ وَقْعَ أَجْرُهُ عَلَى اللَّهِ ، أَوْ مَاتَ حَتْفَ أَنْفِهِ فَقَدْ وَقَعَ أَجْرُهُ عَلَى اللَّهِ - عَزَّ وَجَلَّ - " . وَاللَّهِ إِنَّهَا لَكَلِمَةٌ مَا سَمِعْتُهَا مِنْ أَحَدٍ مِنَ الْعَرَبِ قَبْلَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - " فَمَاتَ فَقَدْ وَقَعَ أَجْرُهُ عَلَى اللَّهِ ، وَمَنْ قُتِلَ فَقَضَى فَقَدِ اسْتَوْجَبَ الْمَآبَ " . ¤ رَوَاهُ أَحْمَدُ ، وَالطَّبَرَانِيُّ ، وَفِيهِ مُحَمَّدُ بْنُ إِسْحَاقَ مُدَلِّسٌ ، وَبَقِيَّةُ رِجَالِ أَحْمَدَ ثِقَاتٌ . ¤

سیدنا عبداللہ بن عتیک رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” جو شخص اللہ کی راہ میں جہاد میں حصہ لینے کے لئے اپنے گھر سے نکلتا ہے پھر نبی اکرم صلی اللہ علیہ وسلم نے اپنی تین انگلیوں کے ذریعے اشارہ کیا درمیانی انگلی شہادت کی انگلی اور انگوٹھا ، آپ نے انہیں اکٹھا کیا اور فرمایا : جہاد کرنے والے لوگ کہاں ہیں ( پھر آپ نے یہ ارشاد فرمایا : ) ” اگر وہ شخص اپنی سواری سے گر کے مر جائے تو اس کا اجر اللہ تعالیٰ کے ذمہ لازم ہو جاتا ہے اگر کوئی جانور اسے ڈنک مار لے اور وہ مر جائے تو اس کا اجر اللہ کے ذمہ لازم ہو جاتا ہے اگر وہ طبعی موت مر جائے تو اس کا اجر اللہ کے ذمہ لازم ہو جاتا ہے ۔ راوی کہتے ہیں : اللہ کی قسم ! یہ کلمہ میں نے نبی اکرم صلی اللہ علیہ وسلم سے پہلے عربوں میں سے کسی کی زبانی نہیں سنا ( نبی اکرم صلی اللہ علیہ وسلم نے فرمایا : ) اگر وہ شخص مر جائے تو اس کا اجر اللہ کے ذمہ لازم ہو جاتا ہے اور جو شخص شہید ہو اور وہ اپنے ذمہ لازم فرض کو ادا کر دے تو وہ اس چیز کو واجب کروا لیتا ہے ، جو ( بہتر ) انجام ہے “ ۔
یہ روایت امام أحمد نے اور امام طبرانی نے نقل کی ہے ۔ اس کی سند میں ایک راوی محمد بن اسحاق ہے ، جو مدلس ہے ۔ امام أحمد کے بقیہ رجال ثقہ ہیں ۔