مجمع الزوائد ومنبع الفوائد

عَنْ بُرَيْدَةَ قَالَ : سَأَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - جَعْفَرًا - رَضِيَ اللَّهُ عَنْهُ - حِينَ قَدِمَ مِنَ الْحَبَشَةِ : " مَا أَعْجَبُ شَيْءٍ رَأَيْتَهُ ؟ " قَالَ : رَأَيْتُ امْرَأَةً تَحْمِلُ عَلَى رَأْسِهَا مِكْتَلًا مِنْ طَعَامٍ ، فَمَرَّ فَارِسٌ فَرَكَضَهُ فَأَبْدَرَهُ ، فَجَلَسَتْ تَجْمَعُ طَعَامَهَا ثُمَّ الْتَفَتَتْ فَقَالَتْ : وَيْلٌ لَكَ إِذَا وَضَعَ الْمَلِكُ - تَبَارَكَ وَتَعَالَى - كُرْسِيَّهُ فَأَخَذَ لِلْمَظْلُومِ مِنَ الظَّالِمِ . فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - تَصْدِيقًا لِقَوْلِهَا : " لَا قُدِّسَتْ أُمَّةٌ - أَوْ كَيْفَ تُقَدَّسُ أُمَّةٌ - لَا يَأْخُذُ ضَعِيفُهَا حَقَّهُ مِنْ شَدِيدِهَا وَهُوَ غَيْرُ مُتَعْتَعٍ " . ¤ رَوَاهُ الْبَزَّارُ وَالطَّبَرَانِيُّ فِي الْأَوْسَطِ وَفِيهِ عَطَاءُ بْنُ السَّائِبِ وَهُوَ ثِقَةٌ لَكِنَّهُ اخْتَلَطَ ، وَبَقِيَّةُ رِجَالِهِ ثِقَاتٌ . ¤

سیدنا بریدہ رضی اللہ عنہ بیان کرتے ہیں : جب سیدنا جعفر رضی اللہ عنہ حبشہ سے واپس آئے ، تو نبی اکرم صلی اللہ علیہ وسلم نے سیدنا جعفر رضی اللہ عنہ سے دریافت کیا : تم نے حیران کن چیز کیا دیکھی ؟ انہوں نے بتایا کہ میں نے ایک عورت کو دیکھا کہ اس نے اپنے سر پر اناج کا پیمانہ ( یا برتن ) رکھا ہوا تھا ایک گھڑ سوار وہاں سے گزرا اس نے اس کو ایڑھ لگائی اور اس عورت کا برتن گرا دیا وہ عورت بیٹھ کر اپنا اناج اکٹھا کرنے لگی پھر اس نے مڑ کر دیکھا اور بولی: تمہارا ستیاناس ہو ! جب بادشاہ ( اللہ تعالیٰ ) اپنی کرسی رکھے گا ، اور پھر ظالم سے مظلوم کو انصاف دلائے گا ( پھر دیکھنا تمہارا کیا حال ہو گا ) راوی کہتے ہیں : تو نبی اکرم صلی اللہ علیہ وسلم نے اس عورت کے اس قول کی تصدیق کے لئے یہ بات ارشاد فرمائی : ” وہ امت پاکیزہ نہیں ہو گی ( راوی کو شک ہے شاید یہ الفاظ ہیں : ) وہ امت کیسے پاکیزہ ہو سکتی ہے جس میں کمزور شخص طاقتور سے اپنا حق کسی پریشانی کے بغیر نہیں لے سکتا “ ۔
یہ روایت امام بزار نے نقل کی ہے ۔ اور امام طبرانی نے معجم اوسط میں نقل کی ہے ۔ اس کی سند میں ایک راوی عطاء بن سائب ہے ، اور وہ ثقہ ہے ، لیکن وہ اختلاط کا شکار ہو گیا تھا اس روایت کے بقیہ رجال ثقہ ہیں ۔