مجمع الزوائد ومنبع الفوائد

وَعَنِ ابْنِ مَسْعُودٍ قَالَ : إِنَّ شَيْطَانَ الْمُسْلِمِ يَلْقَى شَيْطَانَ الْكَافِرِ فَيُرَى شَيْطَانُ الْمُؤْمِنِ شَاحِبًا أَغْبَرَ مَهْزُولًا ، فَيَقُولُ لَهُ شَيْطَانُ الْكَافِرِ : وَيْحَكَ مَا لَكَ هَلَكْتَ ؟ فَيَقُولُ شَيْطَانُ الْمُؤْمِنِ : لَا وَاللَّهِ مَا أَصِلُ مَعَهُ إِلَى شَيْءٍ ، إِذَا طَعِمَ ذَكَرَ اسْمَ اللَّهِ وَإِذَا شَرِبَ ذَكَرَ اسْمَ اللَّهِ ، وَإِذَا دَخَلَ بَيْتَهُ ذَكَرَ اسْمَ اللَّهِ ، فَيَقُولُ الْآخَرُ : لَكِنِّي آكُلُ مِنْ طَعَامِهِ وَأَشْرَبُ مِنْ شَرَابِهِ وَأَنَامُ عَلَى فِرَاشِهِ . فَهَذَا سَاحٌّ وَهَذَا مَهْزُولٌ . ¤ رَوَاهُ الطَّبَرَانِيُّ مَوْقُوفًا وَرِجَالُهُ رِجَالُ الصَّحِيحِ . ¤

سیدنا عبداللہ بن مسعود رضی اللہ عنہ بیان کرتے ہیں : مسلمان کے ساتھ رہنے والا شیطان ، کافر کے ساتھ رہنے والے شیطان سے ملتا ہے ، تو مومن کے ساتھ رہنے والا شیطان کمزور غبار آلود اور مریل نظر آتا ہے ، تو کافر کے ساتھ رہنے والا شیطان اس سے پوچھتا ہے تمہارا ستیاناس ہو تم کیوں ہلاکت کا شکار ہو رہے ہو ؟ تو مومن کے ساتھ رہنے والا شیطان کہتا ہے اللہ کی قسم ! میں اس کے ساتھ کسی چیز تک نہیں پہنچ سکتا ہے ، جب وہ کھانا کھاتا ہے ، تو اللہ کا نام لے لیتا ہے ، جب پیتا ہے ، تو اللہ کا نام لے لیتا ہے ، جب اپنے گھر میں داخل ہوتا ہے ، تو اللہ کا نام ذکر کر لیتا ہے ، تو دوسرا شیطان کہتا ہے ، لیکن میں ، تو اپنے ساتھ والے شخص کا کھانا بھی کھا لیتا ہوں ، اور اس کا مشروب بھی پی لیتا ہوں ، اور اس کے بستر پر بھی سو جاتا ہوں ، تو وہ صحت مند ہوتا ہے ، اور یہ مریل ہوتا ہے “ ۔
یہ روایت امام طبرانی نے موقوف روایت کے طور پر نقل کی ہے ۔ اور اس کے رجال صحیح کے رجال ہیں ۔