مجمع الزوائد ومنبع الفوائد

وَعَنْ جَابِرِ بْنِ عَبْدِ اللَّهِ عَنْ خَالَتِهِ أَنَّهَا أَرَادَتْ أَنْ تَخْرُجَ إِلَى نَخْلٍ لَهَا لِتَجُدَّهُ ، فَقَالَ لَهَا رَجُلٌ : لَيْسَ ذَلِكَ لَكِ ، فَأَتَتِ النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ : " اخْرُجِي وَجِدِّي نَخْلَكِ ، لَعَلَّكِ أَنْ تَصَّدَّقِي أَوْ تَصْنَعِي مَعْرُوفًا " . ¤ قُلْتُ : هُوَ فِي الصَّحِيحِ مِنْ حَدِيثِ جَابِرٍ نَفْسِهِ ، وَهُنَا مِنْ حَدِيثِهِ عَنْ خَالَتِهِ . ¤ رَوَاهُ الطَّبَرَانِيُّ وَرِجَالُهُ رِجَالُ الصَّحِيحِ . ¤

سیدنا جابر بن عبداللہ رضی اللہ عنہ اپنی خالہ کے حوالے سے یہ بات نقل کرتے ہیں ( کہ وہ عدت گزار رہی تھیں ) انہوں نے گھر سے نکل کر اپنی کھجوروں کے باغ میں جانے کا ارادہ کیا تھا تاکہ اس کی دیکھ بھال کریں ایک شخص نے ان سے کہا: تمہیں اس بات کا حق حاصل نہیں ہے وہ خاتون نبی اکرم صلی اللہ علیہ وسلم کی خدمت میں حاضر ہوئیں ، تو نبی اکرم صلی اللہ علیہ وسلم نے ارشاد فرمایا : تم گھر سے نکلو اور اپنے کھجور کے باغ کی دیکھ بھال کرو ! ہو سکتا ہے کہ تم اسے صدقہ کر دو یا کسی اور اچھائی کے کام میں استعمال کرو ۔ ( علامہ ہیثمی فرماتے ہیں : ) میں یہ کہتا ہوں
یہ روایت صحیح میں سیدنا جابر رضی اللہ عنہ سے منقول حدیث کے طور پر مذکور ہے ، اور یہاں یہ ان کی خالہ سے منقول روایت کے طور پر مذکور ہے ۔
یہ روایت امام طبرانی نے نقل کی ہے ۔ اور اس کے رجال صحیح کے رجال ہیں ۔