مجمع الزوائد ومنبع الفوائد

وَعَنِ السَّائِبِ بْنِ يَزِيدَ أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ : " لَا يَأْخُذْ أَحَدُكُمْ مَتَاعَ صَاحِبِهِ لَاعِبًا ، وَلَا جَادًّا . وَإِذَا أَخَذَ أَحَدُكُمْ مَتَاعَ صَاحِبِهِ فَلْيَرُدَّهَا إِلَيْهِ " . ¤ قُلْتُ : هُوَ فِي السُّنَنِ مِنْ رِوَايَةِ السَّائِبِ عَنْ أَبِيهِ . ¤ وَرَوَاهُ الطَّبَرَانِيُّ فِي الْكَبِيرِ مِنْ رِوَايَتِهِ أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - ، وَفِيهِ عَبْدُ اللَّهِ بْنُ يَزِيدَ بْنِ السَّائِبِ ، وَلَمْ أَجِدْ مَنْ تَرْجَمَهُ ، وَبَقِيَّةُ رِجَالِهِ رِجَالُ الصَّحِيحِ . ¤

سیدنا سائب بن یزید رضی اللہ عنہ بیان کرتے ہیں : انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا : ” تم میں سے کوئی ایک اپنے ساتھی کا سامان مذاق یا سنجیدگی کے طور پر حاصل نہ کرے ، اور جب کسی نے اپنے ساتھی کی کوئی چیز لے لی ہو ، تو وہ اُسے واپس کر دے “ ۔ ( علامہ ہیثمی فرماتے ہیں : ) میں یہ کہتا ہوں : یہ روایت ” سنن “ میں سائب کی اپنے والد کے حوالے سے نقل کردہ روایت کے طور پر نقل کی گئی ہے ۔
یہ روایت امام طبرانی نے معجم کبیر میں ان کی نقل کردہ روایت کے طور پر نقل کی ہے ، جو انہوں نے نبی اکرم صلی اللہ علیہ وسلم کو ارشاد فرماتے ہوئے سنا ہے ، اس روایت کی سند میں ایک راوی عبداللہ بن یزید بن سائب ہے ، میں نے کسی کو اس کے حالات بیان کرتے ہوئے نہیں پایا ہے ، اس کے بقیہ رجال صحیح کے رجال ہیں ۔