مجمع الزوائد ومنبع الفوائد

وَعَنْ أَبِي أُمَامَةَ ، عَنْ عَمْرِو بْنِ عَبَسَةَ قَالَ : قُلْتُ لَهُ : حَدِّثْنَا حَدِيثًا سَمِعْتَهُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ لَيْسَ فِيهِ انْتِقَاصٌ وَلَا وَهْمٌ . قَالَ : سَمِعْتُهُ يَقُولُ : " مَنْ وُلِدَ لَهُ ثَلَاثَةُ أَوْلَادٍ فِي الْإِسْلَامِ فَمَاتُوا قَبْلَ أَنْ يَبْلُغُوا الْحِنْثَ أَدْخَلَهُ اللَّهُ الْجَنَّةَ بِرَحْمَتِهِ إِيَّاهُمْ ، وَمَنْ أَنْفَقَ زَوْجَيْنِ فِي سَبِيلِ اللَّهِ فَإِنَّ لِلْجَنَّةِ ثَمَانِيَةَ أَبْوَابٍ يُدْخِلُهُ اللَّهُ مِنْ أَيِّ بَابٍ شَاءَ مِنْهَا الْجَنَّةَ " . ¤ رَوَاهُ أَحْمَدُ ، وَالطَّبَرَانِيُّ فِي الْكَبِيرِ بِاخْتِصَارِ النَّفَقَةِ ، إِلَّا أَنَّهُ قَالَ : أَدْخَلَهُ اللَّهُ بِرَحْمَتِهِ هُوَ وَإِيَّاهُمُ الْجَنَّةَ " وَإِسْنَادُهُ حَسَنٌ

سیدنا ابوامامہ رضی اللہ عنہ نے سیدنا عمرو بن عبسہ رضی اللہ عنہ کے حوالے سے یہ بات نقل کی ہے : میں نے ان سے کہا: آپ ہمیں کوئی ایسی حدیث بیان کیجئے جو آپ نے نبی اکرم صلی اللہ علیہ وسلم کی زبانی سنی ہو اس میں کوئی کمی اور کوئی وہم باقی نہ ہو ، تو انہوں نے بتایا : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” جس شخص کے اسلام میں ( یعنی مسلمان ہونے کے دوران ) تین بچے پیدا ہوں اور پھر وہ بالغ ہونے سے پہلے فوت ہو جائیں تو اللہ تعالیٰ ان بچوں پر اپنی رحمت کی وجہ سے اس شخص کو جنت میں داخل کرے گا ، اور جو شخص ( کسی بھی چیز کا ) جوڑا اللہ کی راہ میں خرچ کرے گا ، تو جنت کے آٹھ دروازوں میں سے وہ جس بھی دروازے سے چاہے گا اللہ تعالیٰ اسے جنت میں داخل کر دے گا “ ۔
یہ روایت امام أحمد نے نقل کی ہے ۔ امام طبرانی نے اسے معجم کبیر میں اختصار کے ساتھ نقل کیا ہے ، اور اس میں صرف خرچ کرنے کا حصہ نقل کیا ہے ، اور انہوں نے یہ الفاظ نقل کیے ہیں : ” اللہ تعالیٰ اسے اور ان لوگوں کو اپنی رحمت کی وجہ سے جنت میں داخل کر دے گا “ ۔ اس روایت کی سند حسن ہے ۔