مجمع الزوائد ومنبع الفوائد

عَنْ أَبِي سَعِيدٍ الْخُدْرِيِّ قَالَ : خَطَبَنَا النَّبِيُّ - صَلَّى اللَّهُ عَلَيْهِ وَسَلَّمَ - ذَاتَ يَوْمٍ فَقَالَ : " إِنَّ اللَّهَ كَتَبَ عَلَيْكُمُ الْجُمُعَةَ فِي مَقَامِي هَذَا فِي سَاعَتِي هَذِهِ فِي شَهْرِي هَذَا فِي عَامِي هَذَا إِلَى يَوْمِ الْقِيَامَةِ ، مَنْ تَرَكَهَا مِنْ غَيْرِ عُذْرٍ مَعَ إِمَامٍ عَادِلٍ أَوْ إِمَامٍ جَائِرٍ فَلَا جَمَعَ اللَّهُ لَهُ شَمْلَهُ وَلَا بُورِكَ لَهُ فِي أَمْرِهِ ، أَلَا وَلَا صَلَاةَ لَهُ ، أَلَا وَلَا حَجَّ لَهُ ، أَلَا وَلَا بِرَّ لَهُ ، أَلَا وَلَا صَدَقَةَ لَهُ " . ¤ رَوَاهُ الطَّبَرَانِيُّ فِي الْأَوْسَطِ وَفِيهِ مُوسَى بْنُ عَطِيَّةَ الْبَاهِلِيُّ وَلَمْ أَجِدْ مَنْ تَرْجَمَهُ وَبَقِيَّةُ رِجَالِهِ ثِقَاتٌ . ¤

سیدنا ابوسعید خدری رضی اللہ عنہ بیان کرتے ہیں : ایک دن نبی اکرم صلی اللہ علیہ وسلم نے ہمیں خطبہ دیتے ہوئے ارشاد فرمایا : بے شک اللہ تعالیٰ نے میرے اس جگہ کھڑے ہونے کے دوران اس گھڑی میں اس مہینے میں اس سال میں ( یعنی اس وقت سے لے کر ) قیامت کے دن تک کے لئے جمعہ تم لوگوں پر لازم قرار دے دیا ہے ، جو شخص کسی عذر کے بغیر اسے ترک کرے گا خواہ وہ عادل حکمران کے پیچھے یا ظالم حکمران کے پیچھے ہو ، تو اللہ تعالیٰ اس کے معاملات کو جمع نہیں کرے گا ، اس کے معاملے میں اس کے لئے برکت نہیں رکھی جائے گی خبردار اس شخص کی نماز نہیں ہو گی خبردار اس شخص کا حج نہیں ہو گا خبردار اس شخص کی کوئی نیکی قبول نہیں ہو گی خبردار اس شخص کا صدقہ قبول نہیں ہو گا“ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی موسیٰ بن عطیہ باہلی ہے میں نے کسی کو اس کے حالات بیان کرتے ہوئے نہیں پایا ہے ، اس روایت کے بقیہ رجال ” ثقہ “ ہیں ۔