مجمع الزوائد ومنبع الفوائد

وَعَنْ بُرَيْدَةَ قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " يَا بُرَيْدَةَ إِذَا كَانَ حِينَ تَفْتَتِحُ الصَّلَاةَ فَقُلْ : سُبْحَانَكَ اللَّهُمَّ وَبِحَمْدِكَ لَا حَوْلَ وَلَا قُوَّةَ إِلَّا بِاللَّهِ لَا إِلَهَ إِلَّا أَنْتَ ظَلَمْتُ نَفْسِي فَاغْفِرْ لِي إِنَّهُ لَا يَغْفِرُ الذُّنُوبَ إِلَّا أَنْتَ ، وَتَقْرَأُ مَا تَيَسَّرَ مِنَ الْقُرْآنِ ، وَتَرْكَعُ فَتَقُولُ : سُبْحَانَ رَبِّيَ الْعَظِيمَ ثَلَاثَ مَرَّاتٍ فَإِذَا رَفَعْتَ مِنَ الرُّكُوعِ فَقُلْ : سَمِعَ اللَّهُ لِمَنْ حَمِدَهُ اللَّهُمَّ رَبَّنَا لَكَ الْحَمْدُ مِلْءَ السَّمَاوَاتِ وَمِلْءَ الْأَرْضِ وَمِلْءَ مَا شِئْتَ مِنْ شَيْءٍ بَعْدُ، فَإِذَا سَجَدْتَ فَقُلْ : سُبْحَانَ رَبِّيَ الْأَعْلَى ثَلَاثًا سَجَدَ وَجْهِيَ لِلَّذِي خَلَقَهُ فَشَقَّ سَمْعَهُ وَبَصَرَهُ تَبَارَكَ اللَّهُ أَحْسَنُ الْخَالِقِينَ ، فَإِذَا رَفَعْتَ مِنَ السُّجُودِ فَقُلْ : رَبِّ اغْفِرْ لِي وَارْحَمْنِي وَاهْدِنِي وَارْزُقْنِي ، إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ ، فَإِذَا جَلَسْتَ فِي صَلَاتِكَ فَلَا تَتْرُكَنَّ فِي التَّشَهُّدِ لَا إِلَهَ إِلَّا اللَّهُ وَأَنِّي رَسُولُ اللَّهِ وَالصَّلَاةَ عَلَيَّ وَعَلَى جَمِيعِ أَنْبِيَاءِ اللَّهِ ، وَسَلَامْ عَلَى عِبَادِ اللَّهِ الصَّالِحِينَ " . ¤ رَوَاهُ الْبَزَّارُ وَفِيهِ عَبَّادُ بْنُ أَحْمَدَ الْعَرْزَمِيُّ ضَعَّفَهُ الدَّارَقُطْنِيُّ وَفِيهِ جَابِرٌ الْجُعْفِيُّ وَهُوَ ضَعِيفٌ . ¤

سیدنا بریدہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : اے بریدہ جب تم نماز کا آغاز کرو تو یہ پڑھو : ” تو ہر عیب سے پاک ہے اے اللہ ! حمد تیرے لئے مخصوص ہے اللہ تعالیٰ کی مدد کے بغیر کچھ نہیں ہو سکتا تیرے علاوہ اور کوئی معبود نہیں ہے میں نے اپنے اوپر ظلم کیا ہے ، تو میری مغفرت کر دے بے شک گناہوں کی مغفرت صرف تو ہی کر سکتا ہے “ ۔ ( نبی اکرم صلی اللہ علیہ وسلم نے ارشاد فرمایا : ) پھر جو قرآن تمہیں آتا ہو ، تم اس کو پڑھو پھر تم رکوع میں جاؤ اور تین مرتبہ سبحَانَ رَبِّيَ العظیم پڑھو جب تم رکوع سے اٹھو تو یہ پڑھو : ” اللہ تعالیٰ نے اس شخص کی بات سن لی جس نے اس کی حمد بیان کی اے اللہ ! اے ہمارے پروردگار حمد تیرے ہی لئے مخصوص ہے ، جو اتنی ہو جو آسمانوں کو بھر دے اور زمین کو بھر دے اور ان کے بعد جس چیز کو تو چاہے ، اسے بھر دے “ ۔ ( نبی اکرم صلی اللہ علیہ وسلم نے فرمایا : ) پھر جب تم سجدے میں جاؤ تو تین مرتبہ سبحَانَ رَبِّيَ الْأَعْلَى پڑھو ( اور یہ پڑھو ) : ” میرا چہرہ اس ذات کے سامنے سجدے میں ہے ، جس نے اسے پیدا کیا اسے سماعت اور بصارت عطا کی اللہ تعالیٰ کی ذات برکت والی ہے ، جو سب سے بہترین خالق ہے “ ۔ جب تم سجدے سے سر اٹھاؤ تو یہ پڑھو : ” اے میرے پروردگار ! تو میری مغفرت کر دے تو مجھ پر رحم کر تو مجھے ہدایت پر ثابت قدم رکھ تو مجھے رزق عطا فرما تو میری طرف جو بھلائی نازل کرے گا میں اس کا محتاج ہوں “ ۔ جب تم نماز کے دوران بیٹھو تو تم یہ ترک نہ کرو کہ اس بات کی گواہی دو کہ اللہ تعالیٰ کے علاوہ اور کوئی معبود نہیں ہے ، اور میں اللہ کا رسول ہوں ، اور مجھ پر اور اللہ کے تمام انبیاء پر درود بھیجو اور اللہ تعالیٰ کے تمام نیک بندوں پر سلام بھیجو ۔
یہ روایت امام بزار نے نقل کی ہے ، اس کی سند میں ایک راوی عباد بن أحمد عرزمی ہے ، جسے امام دارقطنی رحمہ اللہ نے ضعیف قرار دیا ہے ، اس کی سند میں ایک راوی جابر جعفی ہے ، اور وہ ” ضعیف“ ہے ۔