مجمع الزوائد ومنبع الفوائد

وَعَنْ عَدِيِّ بْنِ حَاتِمٍ أَنَّهُ خَرَجَ إِلَى مَجْلِسِهِمْ فَأُقِيمَتِ الصَّلَاةُ فَتَقَدَّمَ إِمَامُهُمْ فَأَطَالَ الصَّلَاةَ فِي الْجُلُوسِ ، فَلَمَّا انْصَرَفَ قَالَ : مَنْ أَمَّنَا مِنْكُمْ فَلْيُتِمَّ الرُّكُوعَ وَالسُّجُودَ فَإِنَّ خَلْفَهُ الصَّغِيرَ وَالْكَبِيرَ وَالْمَرِيضَ وَابْنَ السَّبِيلِ وَذَا الْحَاجَةِ فَلَمَّا حَضَرَتِ الصَّلَاةُ تَقَدَّمَ عَدِيُّ بْنُ حَاتِمٍ وَأَتَمَّ الرُّكُوعَ وَالسُّجُودَ وَتَجَوَّزَ فِي الصَّلَاةِ فَلَمَّا انْصَرَفَ قَالَ : هَكَذَا كُنَّا نُصَلِّي خَلْفَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - . ¤ رَوَاهُ الطَّبَرَانِيُّ فِي الْكَبِيرِ بِطُولِهِ ، وَهُوَ عِنْدَ الْإِمَامِ أَحْمَدَ بِاخْتِصَارٍ ، وَقَدْ تَقَدَّمَ وَرِجَالُ الْحَدِيثَيْنِ ثِقَاتٌ . ¤

سیدنا عدی بن حاتم رضی اللہ عنہ بیان کرتے ہیں : ایک مرتبہ وہ لوگوں کی مجلس میں تشریف لائے نماز کھڑی ہوئی ان کا امام آگے بڑھا اس نے نماز کے دوران طویل قعدہ کیا ، جب اس نے نماز مکمل کی تو سیدنا عدی بن حاتم رضی اللہ عنہ نے فرمایا : تم لوگوں میں سے جو شخص ہماری امامت کرے وہ رکوع اور سجود مکمل کرے کیونکہ اس کے پیچھے چھوٹے بڑے مسافر بیمار کام کاج والے لوگ ہوتے ہیں جب نماز کا وقت ہوا تو سیدنا عدی بن حاتم رضی اللہ عنہ آگے بڑھے انہوں نے رکوع اور سجود مکمل کیے لیکن انہوں نے نماز مختصر پڑھائی جب وہ نماز پڑھا کر فارغ ہوئے تو انہوں نے فرمایا : ہم نبی اکرم صلی اللہ علیہ وسلم کے پیچھے اسی طرح نماز ادا کرتے تھے ۔
یہ روایت امام طبرانی نے معجم کبیر میں طویل روایت کے طور پر نقل کی ہے امام أحمد نے اسے اختصار کے ساتھ نقل کیا ہے وہ روایت پہلے گزر چکی ہے ان دونوں احادیث کے رجال ” ثقہ “ ہیں ۔