مجمع الزوائد ومنبع الفوائد

وَعَنْ مُعَاوِيَةَ قَالَ : دَخَلْتُ عَلَى أُمِّ حَبِيبَةَ زَوْجِ النَّبِيِّ - صَلَّى اللَّهُ عَلَيْهِ وَسَلَّمَ - فَرَأَيْتُ النَّبِيَّ - صَلَّى اللَّهُ عَلَيْهِ وَسَلَّمَ قَائِمًا - يُصَلِّي فِي ثَوْبٍ وَاحِدٍ قَدْ خَالَفَ بَيْنَ طَرَفَيْهِ فَقُلْتُ : يَا أُمَّ حَبِيبَةَ أَيُصَلِّي النَّبِيُّ - صَلَّى اللَّهُ عَلَيْهِ وَسَلَّمَ - فِي ثَوْبٍ وَاحِدٍ ؟ قَالَتْ : نَعَمْ ، وَهُوَ الثَّوْبُ الَّذِي كَانَ فِيهِ مَا كَانَ - تَعْنِي : الْجِمَاعَ - . ¤ رَوَاهُ أَبُو يَعْلَى وَالطَّبَرَانِيُّ فِي الْأَوْسَطِ ، وَرَوَاهُ فِي الْكَبِيرِ مُخْتَصَرًا : أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ يُصَلِّي فِي الثَّوْبِ الْوَاحِدِ ، وَإِسْنَادُ أَبِي يَعْلَى حَسَنٌ . ¤

سیدنا معاویہ رضی اللہ عنہ بیان کرتے ہیں : میں نبی اکرم صلی اللہ علیہ وسلم کی زوجہ محترمہ سیدہ ام حبیبہ رضی اللہ عنہا کے ہاں آیا تو میں نے نبی اکرم صلی اللہ علیہ وسلم کو کھڑے ہو کر ایک کپڑے میں نماز ادا کرتے ہوئے دیکھا جس کے کنارے آپ نے مخالف سمت میں ڈالے ہوئے تھے میں نے دریافت کیا : اے ام حبیبہ ! کیا نبی اکرم صلی اللہ علیہ وسلم ایک کپڑے میں نماز ادا کر لیتے ہیں ؟ انہوں نے فرمایا : جی ہاں ! اور یہ وہی کپڑا ہے ، جس میں آپ عمل بھی کر لیتے ہیں ۔ سیدہ ام حبیبہ رضی اللہ عنہا کی مراد یہ تھی کہ آپ اس کپڑے میں وظیفہ زوجیت ادا کر لیتے تھے ۔
یہ روایت امام ابویعلیٰ نے نقل کی ہے امام طبرانی نے اسے معجم اوسط میں نقل کیا ہے امام طبرانی نے معجم کبیر میں اسے مختصر روایت کے طور پر نقل کیا ہے ( جس کے الفاظ یہ ہیں : ) ” نبی اکرم صلی اللہ علیہ وسلم ایک کپڑے میں نماز ادا کر لیتے تھے “ ۔ امام ابویعلیٰ کی سند حسن ہے ۔