مجمع الزوائد ومنبع الفوائد

عَنْ جَابِرٍ قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " مَا فِي السَّمَاوَاتِ السَّبْعِ مَوْضِعُ قَدَمٍ ، وَلَا شِبْرٌ ، وَلَا كَفٌّ إِلَّا وَفِيهِ مَلَكٌ قَائِمٌ ، وَمَلَكٌ رَاكِعٌ ، أَوْ مَلَكٌ سَاجِدٌ ، فَإِذَا كَانَ يَوْمُ الْقِيَامَةِ قَالُوا جَمِيعًا : سُبْحَانَكَ مَا عَبَدْنَاكَ حَقَّ عِبَادَتِكَ ، إِلَّا أَنَّا لَمْ نُشْرِكْ بِكَ شَيْئًا " . رَوَاهُ الطَّبَرَانِيُّ فِي الْأَوْسَطِ ، وَفِيهِ عُرْوَةُ بْنُ مَرْوَانَ . قَالَ الدَّارَقُطْنِيُّ : لَيْسَ بِقَوِيٍّ فِي الْحَدِيثِ ، وَبَقِيَّةُ رِجَالِهِ رِجَالُ الصَّحِيحِ . ¤

سیدنا جابر رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” سات آسمانوں میں ایک قدم یا ایک بالشت یا ایک ہتھیلی جتنی جگہ ( بھی خالی نہیں ہے ، ہر جگہ پر ) کوئی فرشتہ قیام کی حالت میں ہے ، کوئی فرشتہ رکوع کی حالت میں ہے ، یا کوئی فرشتہ سجدے کی حالت میں ہے ، جب قیامت کا دن ہو گا تو وہ سب یہ کہیں گے : تو ہر عیب سے پاک ہے ، ہم نے تیری ویسے عبادت نہیں کی ، جو تیری عبادت کا حق تھا البتہ یہ ہے کہ ہم کسی کو تیرا شریک قرار نہیں دیتے ۔ “
یہ روایت امام طبرانی نے معجم اوسط میں نقل کی ہے ، اس کی سند میں ایک راوی عروہ بن مروان ہے ، امام دارقطنی رحمہ اللہ کہتے ہیں : یہ حدیث میں قوی نہیں ہے ، اس روایت کے بقیہ رجال صحیح کے رجال ہیں ۔