مجمع الزوائد ومنبع الفوائد

وَعَنِ ابْنِ مَسْعُودٍ : أَنَّهُ كَانَ يُعْطِي النَّاسَ عَطَاءَهُمْ ، فَجَاءَهُ رَجُلٌ فَأَعْطَاهُ أَلْفَ دِرْهَمٍ ، ثُمَّ قَالَ : خُذْهَا فَإِنِّي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ : " إِنَّمَا أَهْلَكَ مَنْ كَانَ قَبْلَكُمُ الدِّينَارُ وَالدِّرْهَمُ ، وَهُمَا مُهْلِكَاكُمْ " . رَوَاهُ الْبَزَّارُ ، وَإِسْنَادُهُ جَيِّدٌ . ¤

سیدنا عبداللہ بن مسعود رضی اللہ عنہ کے بارے میں یہ بات منقول ہے : وہ لوگوں کو تنخواہیں دے رہے تھے ، ایک شخص ان کے پاس آیا ، انہوں نے اُسے ایک ہزار درہم دیے اور پھر یہ فرمایا : تم یہ وصول کر لو ! میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” تم سے پہلے کے لوگوں کو دینار اور درہم نے ہلاکت کا شکار کیا ، اور یہ دونوں تمہیں بھی ہلاکت کا شکار کر دیں گے ۔ “
یہ روایت امام بزار نے نقل کی ہے اور اس کی سند عمدہ ہے ۔