مجمع الزوائد ومنبع الفوائد

وَعَنْ عَبْدِ اللَّهِ بْنِ عَمْرٍو قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " لَوْ لَمْ تُذْنِبُوا لَخَلَقَ اللَّهُ خَلْقًا يُذْنِبُونَ ، ثُمَّ يَغْفِرُ لَهُمْ " . رَوَاهُ الطَّبَرَانِيُّ فِي الْكَبِيرِ وَالْأَوْسَطِ ، وَقَالَ فِي الْأَوْسَطِ : " لَخَلَقَ اللَّهُ خَلْقًا يُذْنِبُونَ ، فَيَسْتَغْفِرُونَ اللَّهَ ، فَيَغْفِرُ لَهُمْ ، وَهُوَ الْغَفُورُ الرَّحِيمُ " . رَوَاهُ الْبَزَّارُ بِنَحْوِ الْأَوْسَطِ مُحَالًا عَلَى مَوْقُوفِ عَبْدِ اللَّهِ بْنِ عَمْرٍو ، وَرِجَالُهُمْ ثِقَاتٌ وَفِي بَعْضِهِمْ خِلَافٌ . ¤

سیدنا عبداللہ بن عمرو رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” اگر تم لوگ گناہ نہ کرو ، تو اللہ تعالیٰ ایسی مخلوق کو پیدا کر دے گا ، جو گناہ کریں گے اور پھر وہ ان کی مغفرت کر دے گا ۔ “
یہ روایت امام طبرانی نے معجم کبیر اور معجم اوسط میں نقل کی ہے ، انہوں نے معجم اوسط میں یہ الفاظ نقل کیے ہیں : ” اللہ تعالیٰ ایسی مخلوق کو پیدا کر دے گا ، جو گناہ کریں گے ، پھر وہ اللہ تعالیٰ سے مغفرت مانگیں گے ، تو وہ ان کی مغفرت کر دے گا ، اور وہ مغفرت کرنے والا ، رحم کرنے والا ہے ۔ “
یہ روایت امام بزار نے نقل کی ہے ، جو معجم اوسط کی مانند ہے اور اس کی نسبت سیدنا عبداللہ بن عمرو رضی اللہ عنہ سے منقول ” موقوف “ روایت پر کی گئی ہے ، ان روایات کے رجال ” ثقہ “ ہیں اور ان میں سے بعض کے بارے میں اختلاف پایا جاتا ہے ۔