مجمع الزوائد ومنبع الفوائد

عَنْ أَبِي هُرَيْرَةَ قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ : " مَنْ لَقِيَ اللَّهَ - عَزَّ وَجَلَّ - لَا يُشْرِكُ بِهِ شَيْئًا ، وَأَدَّى زَكَاةَ مَالِهِ ، طَيِّبًا بِهَا نَفْسُهُ ، مَحْتَسِبًا وَسَمِعَ وَأَطَاعَ فَلَهُ الْجَنَّةُ - أَوْ دَخَلَ الْجَنَّةَ - وَخَمْسٌ لَيْسَ لَهُنَّ كَفَّارَةٌ : الشِّرْكُ بِاللَّهِ وَقَتْلُ النَّفْسِ بِغَيْرِ حَقٍّ ، وَبَهْتُ الْمُؤْمِنِ ، وَالْفِرَارُ مِنَ الزَّحْفِ أَوْ يَمِينٌ صَابِرَةٌ يَقْتَطِعُ بِهَا مَالًا بِغَيْرِ حَقٍّ " . رَوَاهُ أَحْمَدُ ، وَفِيهِ بَقِيَّةُ ، وَهُوَ ضَعِيفٌ . ¤

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص ایسی حالت میں اللہ تعالیٰ کی بارگاہ میں حاضر ہو ، کہ وہ کسی کو اس کا شریک نہ ٹھہراتا ہو ، اور اپنے من کی خوشی کے ساتھ اور ثواب کی امید رکھتے ہوئے ، اپنے مال کی زکوۃ ادا کرے ، اطاعت و فرمانبرداری سے کام لے ، تو اُسے جنت نصیب ہو گی ( راوی کو شک ہے ، یا شاید یہ الفاظ ہیں : ) وہ جنت میں داخل ہو گا ، اور پانچ کام ایسے ہیں ، جن کا کوئی کفارہ نہیں ہے ، کسی کو اللہ تعالیٰ کا شریک قرار دینا ، کسی جان کو ناحق طور پر قتل کرنا ، مؤمن پر بہتان لگانا ، میدان جنگ سے راہ فرار اختیار کرنا ۔ ( راوی کو شک ہے ، یا شاید یہ الفاظ ہیں : ) جھوٹی قسم اٹھانا ، جس کے ذریعے آدمی کسی کا مال ناحق طور پر ہتھیا لے ۔ “
یہ روایت امام أحمد نے نقل کی ہے ، اس کی سند میں ایک راوی بقیہ ہے اور وہ ضعیف ہے ۔