مجمع الزوائد ومنبع الفوائد

وَعَنْ أَبِي هُرَيْرَةَ : أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - رَفَعَ رَأْسَهُ بَعْدَ مَا سَلَّمَ ، وَهُوَ مُسْتَقْبِلٌ الْقِبْلَةَ فَقَالَ : " اللَّهُمَّ خَلِّصْ سَلَمَةَ بْنَ هِشَامٍ ، وَعَيَّاشَ بْنَ أَبِي رَبِيعَةَ ، وَالْوَلِيدَ بْنَ الْوَلِيدِ ، وَضَعَفَةَ الْمُسْلِمِينَ الَّذِينَ لَا يَسْتَطِيعُونَ حِيلَةً ، وَلَا يَهْتَدُونَ سَبِيلًا " . قُلْتُ : فِي الصَّحِيحِ أَنَّهُ قَنَتَ بِهِ . رَوَاهُ الْبَزَّارُ ، وَفِيهِ عَلِيُّ بْنُ يَزِيدَ ، وَفِيهِ خِلَافٌ ، وَبَقِيَّةُ رِجَالِهِ ثِقَاتٌ . ¤

سیدنا ابوہریرہ رضی اللہ عنہ بیان کرتے ہیں : نبی اکرم صلی اللہ علیہ وسلم نے سلام پھیرنے کے بعد سر اٹھایا ، آپ صلی اللہ علیہ وسلم کا رخ قبلہ کی طرف تھا ، آپ نے یہ کہا: ( یعنی یہ دعا کی : ) ” اے اللہ ! سلمہ بن ہشام اور عیاش بن ابوربیعہ اور ولید بن ولید اور کمزور مسلمانوں کو خلاصی نصیب فرما ، جو کوئی حیلہ کرنے کی استطاعت نہیں رکھتے ہیں اور کوئی راستہ نہیں پاتے ہیں ۔ “
( علامہ ہیثمی فرماتے ہیں : ) میں یہ کہتا ہوں ” صحیح “ میں یہ روایت مذکور ہے : ” نبی اکرم صلی اللہ علیہ وسلم نے قنوت نازلہ پڑھی تھی ۔ “
یہ روایت امام بزار نے نقل کی ہے ، اس کی سند میں ایک راوی علی بن یزد ہے اور اس کے بارے میں اختلاف پایا جاتا ہے ، اس روایت کے بقیہ رجال ” ثقہ “ ہیں ۔