مجمع الزوائد ومنبع الفوائد

وَعَنْ مَطَرٍ أَبِي مُوسَى مَوْلَى آلِ طَلْحَةَ بْنِ عُبَيْدِ اللَّهِ قَالَ : اجْتَمَعَ أَبُو هُرَيْرَةَ ، وَعَبْدُ اللَّهِ بْنُ عُمَرَ - وَإِنِّي لَقَاعِدٌ مَعَهُمَا وَأَنَا غُلَامٌ - فَقَالَ : أَبَا عَبْدِ الرَّحْمَنِ ، إِنَّ النَّاسَ يَزْعُمُونَ أَنِّي أَكْذِبُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَأَيُّ أَرْضٍ تُقِلُّنِي ؟ وَأَيُّ سَمَاءٍ تُظِلُّنِي ؟ فَقَالَ : أَنْتَ خَيْرٌ مِنْ ذَلِكَ ، فَقَالَ أَبُو هُرَيْرَةَ : سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ : " لَوْ سَلَكَ النَّاسُ وَادِيًا ، وَسَلَكَتِ الْأَنْصَارُ وَادِيًا لَسَلَكْتُ مَعَ الْأَنْصَارِ فِي ذَلِكَ الْوَادِي " . فَقَالَ ابْنُ عُمَرَ : سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُهُ . ¤ وَقَالَ أَبُو هُرَيْرَةَ : سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ : " لَوْلَا الْهِجْرَةُ لَكُنْتُ امْرَأً مِنَ الْأَنْصَارِ " . قَالَ : صَدَقْتَ ، سَمِعْتُهُ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - . وَلَمْ يُحَدِّثْ يَوْمَئِذٍ إِلَّا صَدَّقَهُ . رَوَاهُ الطَّبَرَانِيُّ فِي الْأَوْسَطِ ، وَفِيهِ مَنْ لَمْ أَعْرِفْهُمْ . ¤

مطر ابوموسی ، جو سیدنا طلحہ بن عبیداللہ رضی اللہ عنہ کی آل کے غلام ہیں ، وہ بیان کرتے ہیں : ایک مرتبہ سیدنا ابوہریرہ رضی اللہ عنہ اور سیدنا عبداللہ بن عمر رضی اللہ عنہ اکٹھے ہوئے ، میں ان دونوں کے ساتھ بیٹھا ہوا تھا ، میں لڑکا تھا ، انہوں ( یعنی سیدنا ابوہریرہ رضی اللہ عنہ ) نے کہا: اے ابوعبدالرحمن ! لوگ یہ گمان کرتے ہیں کہ میں نبی اکرم صلی اللہ علیہ وسلم کی طرف جھوٹی بات منسوب کرتا ہوں ، کون سی زمین مجھ کو سہارا دے گی اور کون سا آسمان مجھ پر سایہ کرے گا ؟ ( اگر میں ایسا کروں ؟ ) تو سیدنا عبداللہ بن عمر رضی اللہ عنہما نے کہا: آپ اس سے زیادہ بہتر ہیں ، سیدنا ابوہریرہ رضی اللہ عنہ نے بتایا : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” اگر لوگ ایک وادی میں چلیں اور انصار دوسری وادی میں چلیں ، تو میں انصار والی وادی میں اُن کے ساتھ چلوں گا ۔ “ تو سیدنا عبداللہ بن عمر رضی اللہ عنہما نے فرمایا : میں نے بھی نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے ۔ سیدنا ابوہریرہ رضی اللہ عنہ نے بتایا : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” اگر ہجرت نہ ہوتی تو میں انصار سے تعلق رکھنے والا ایک فرد ہوتا ۔ “ تو سیدنا عبداللہ بن عمر رضی اللہ عنہما نے فرمایا : آپ نے سچ بیان کیا ہے ، میں نے بھی نبی اکرم صلی اللہ علیہ وسلم کو یہ ارشاد فرماتے ہوئے سنا ہے ، اس دن سیدنا ابوہریرہ رضی اللہ عنہ نے جو بھی حدیث بیان کی ، تو سیدنا عبداللہ بن عمر رضی اللہ عنہما نے اُن کی تصدیق کی ۔
یہ روایت امام طبرانی نے معجم اوسط میں نقل کی ہے اور اس کی سند میں ایسے راوی ہیں ، جن سے میں واقف نہیں ہوں ۔