مجمع الزوائد ومنبع الفوائد

وَعَنْ عَبْدِ اللَّهِ بْنِ سَلَامٍ قَالَ : قُلْنَا : يَا رَسُولَ اللَّهِ ، نَحْنُ خَيْرٌ أَمْ مَنْ بَعْدَنَا ؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " لَوْ أَنَّ لِأَحَدِهِمْ مِثْلَ أُحُدٍ ذَهَبًا يُنْفِقُهُ فِي سَبِيلِ اللَّهِ مَا بَلَغَ مُدَّ أَحَدِكُمْ وَلَا نَصِيفَهُ " . ¤ رَوَاهُ الطَّبَرَانِيُّ فِي الْكَبِيرِ وَالْأَوْسَطِ بِمَعْنَاهُ ، إِلَّا أَنَّهُ قَالَ : قُلْتُ : يَا رَسُولَ اللَّهِ ، نَحْنُ خَيْرٌ أَمِ الَّذِينَ يَجِيئُونَ مِنْ بَعْدِنَا ؟ وَفِي إِسْنَادِهِمَا الْوَاقِدِيُّ ، وَهُوَ ضَعِيفٌ . ¤

سیدنا عبداللہ بن سلام رضی اللہ عنہ بیان کرتے ہیں : ہم نے عرض کی : یا رسول اللہ ! ہم زیادہ بہتر ہیں یا ہمارے بعد والے لوگ ؟ نبی اکرم صلی اللہ علیہ وسلم نے ارشاد فرمایا : ” اگر ان میں سے کوئی ایک شخص اُحد پہاڑ جتنا سونا اللہ کی راہ میں خرچ کرے ، تو وہ پھر بھی تم میں سے کسی ایک کے ، ایک مد ، بلکہ اس کے نصف تک بھی نہیں پہنچ سکتا ۔ “
یہ روایت امام طبرانی نے معجم کبیر میں نقل کی ہے اور معجم اوسط میں اسی مضمون کی روایت نقل کی ہے ، تاہم اس میں یہ الفاظ ہیں : ” میں نے عرض کی : یا رسول اللہ ! کیا ہم زیادہ بہتر ہیں یا وہ لوگ زیادہ بہتر ہیں جو ہمارے بعد آئیں گے ۔ “ ان دونوں کی سند میں ایک راوی واقدی ہے اور وہ ضعیف ہے ۔