مجمع الزوائد ومنبع الفوائد

وَعَنْ جَعْفَرِ بْنِ أَبِي طَالِبٍ قَالَ : لَمَّا أَتَيْنَا النَّجَاشِيَّ فَأَرَدْنَا الْخُرُوجَ مِنْ عِنْدِهِ ، حَمَلَنَا وَزَوَّدَنَا وَأَعْطَانَا ، ثُمَّ قَالَ : أَخْبِرُوا صَاحِبَكُمْ بِمَا صَنَعْتُ بِكُمْ ، وَهَذِهِ رُسُلِي مَعَكُمْ ، وَأَنَا أَشْهَدُ أَنْ لَا إِلَهَ إِلَّا اللَّهُ وَأَنَّهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقُلْ لَهُ يَسْتَغْفِرُ لِي . ¤ قَالَ جَعْفَرٌ : فَخَرَجْنَا مِنْ عِنْدِهِ حَتَّى أَتَيْنَا الْمَدِينَةَ ، فَتَلَقَّانِي النَّبِيُّ - صَلَّى اللَّهُ عَلَيْهِ وَسَلَّمَ - فَاعْتَنَقَنِي ، وَقَالَ : " مَا أَدْرِي أَنَا بِفَتْحِ خَيْبَرَ أَفْرَحُ ، أَمْ بِقُدُومِ جَعْفَرٍ " . ثُمَّ جَلَسَ ، فَقَامَ رَسُولُ النَّجَاشِيِّ فَقَالَ : هَذَا جَعْفَرٌ فَسَلْهُ عَمَّا صَنَعَ بِهِ صَاحِبُنَا ، فَقَالَ جَعْفَرٌ : قَدْ فَعَلَ بِنَا ، وَحَمَلَنَا ، وَزَوَّدَنَا ، وَشَهِدَ أَنْ لَا إِلَهَ إِلَّا اللَّهُ وَأَنَّكَ رَسُولُ اللَّهِ ، وَقَالَ لَنَا : قُلْ لَهُ يَسْتَغْفِرُ لِي ، فَدَعَا ثَلَاثَ مَرَّاتٍ : " اللَّهُمَّ اغْفِرْ لِلنَّجَاشِيِّ " . فَقَالَ الْمُسْلِمُونَ : آمِينَ قَالَ : فَقُلْتُ لِلرَّسُولِ : انْطَلِقْ فَأَبْلِغْ صَاحِبَكَ مَا رَأَيْتَ مِنَ النَّبِيِّ - صَلَّى اللَّهُ عَلَيْهِ وَسَلَّمَ - . ¤ رَوَاهُ الْبَزَّارُ ، وَفِيهِ أَسَدُ بْنُ عَمْرٍو ، وَمُجَالِدُ بْنُ سَعِيدٍ ، وَثَّقَهُمَا غَيْرُ وَاحِدٍ وَضَعَّفَهُمَا جَمَاعَةٌ ، وَبَقِيَّةُ رِجَالِهِ ثِقَاتٌ . ¤

سیدنا جعفر بن ابوطالب رضی اللہ عنہ بیان کرتے ہیں : جب ہم لوگ نجاشی کے پاس آئے ، پھر ہم نے واپسی کا ارادہ کیا ، تو اس نے ہمیں سواریاں فراہم کیں اور ہمیں زادراہ دیا اور ہمیں دوسری چیزیں دیں اور پھر بولا: میں نے تم لوگوں کے ساتھ جو سلوک کیا ہے ، تم اس کے بارے میں اپنے آقا کو بتا دینا ، یہ نمائندے تمہارے ساتھ ہیں ، میں اس بات کی گواہی دیتا ہوں کہ اللہ تعالیٰ کے علاوہ اور کوئی معبود نہیں ہے اور وہ اللہ کے رسول ہیں ، تم اُن سے یہ کہنا کہ وہ میرے لئے دعائے مغفرت کریں ۔
سیدنا جعفر رضی اللہ عنہ بیان کرتے ہیں : ہم اس کے پاس سے روانہ ہوئے ، یہاں تک کہ مدینہ منورہ آئے ، نبی اکرم صلی اللہ علیہ وسلم کی جب مجھ سے ملاقات ہوئی ، تو آپ نے مجھے گلے سے لگا لیا اور فرمایا : مجھے سمجھ نہیں آ رہی کہ مجھے خیبر کے فتح ہونے کی زیادہ خوشی ہو رہی ہے یا جعفر کے آنے کی ؟ پھر آپ تشریف فرما ہوئے ، نجاشی کا قاصد کھڑا ہوا ، اس نے کہا: یہ سیدنا جعفر رضی اللہ عنہ موجود ہیں ، آپ ان سے پوچھ لیں کہ ہمارے آقا نے ان کے ساتھ کیا طرز سلوک اختیار کیا ہے ؟ تو سیدنا جعفر رضی اللہ عنہ نے بتایا : اُس نے ہمارے ساتھ یہ ، یہ کیا ہے ، اس نے ہمیں سواریوں کے جانور دیے ، ہمیں زاد سفر دیا اور اس بات کی گواہی دی کہ اللہ تعالیٰ کے علاوہ اور کوئی معبود نہیں ہے ، اور آپ اللہ کے رسول ہیں ، اور اس نے یہ کہا: کہ آپ ان سے یہ کہہ دیجئے گا کہ وہ میرے لئے دعائے مغفرت کریں ، تو نبی اکرم صلی اللہ علیہ وسلم نے تین مرتبہ یہ دعا کی : اے اللہ ! نجاشی کی مغفرت کر دے ! اور مسلمانوں نے اس پر آمین کہا: ، سیدنا جعفر رضی اللہ عنہ کہتے ہیں : میں نے قاصد سے کہا: اب تم جاؤ اور اپنے آقا کو وہ چیز بتا دینا ، جو تم نے نبی اکرم صلی اللہ علیہ وسلم کے حوالے سے دیکھی ہے ۔
یہ روایت امام بزار نے نقل کی ہے ، اس کی سند میں ایک راوی اسد بن عمرو اور ایک راوی مجالد بن سعید ہیں ، ایک سے زیادہ افراد نے ان دونوں کو ثقہ قرار دیا ہے اور ایک جماعت نے ان دونوں کو ضعیف قرار دیا ہے ، اس روایت کے بقیہ رجال ثقہ ہیں ۔