مجمع الزوائد ومنبع الفوائد

وَعَنِ الْمِسْوَرِ بْنِ مَخْرَمَةَ : أَنَّ حَسَنَ بْنَ حَسَنٍ بَعَثَ إِلَى الْمِسْوَرِ يَخْطُبُ ابْنَةً لَهُ ، فَقَالَ : قُلْ لَهُ يُوَافِينِي فِي وَقْتٍ ذَكَرَهُ ، فَلَقِيَهُ فَحَمِدَ اللَّهَ الْمِسْوَرُ ، وَقَالَ : مَا مِنْ سَبَبٍ ، وَلَا نَسَبٍ ، وَلَا صِهْرٍ ، أَحَبُّ إِلَيَّ مِنْ نَسَبِكُمْ وَصِهْرِكُمْ ، وَلَكِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ : " فَاطِمَةُ شِجْنَةٌ مِنِّي ; يَبْسُطُنِي مَا يَبْسُطُهَا ، وَيَقْبِضُنِي مَا يَقْبِضُهَا ، وَإِنَّهُ تَنْقَطِعُ يَوْمَ الْقِيَامَةِ الْأَنْسَابُ إِلَّا نَسَبِي وَسَبَبِي " . وَتَحْتُكَ ابْنَتَهَا ، فَلَوْ زَوَّجْتُكَ قَبَضَهَا ذَلِكَ ، فَذَهَبَ عَاذِرًا لَهُ . رَوَاهُ الطَّبَرَانِيُّ ، وَفِيهِ أُمُّ بَكْرٍ بِنْتُ الْمِسْوَرِ ، وَلَمْ يُجَرِّحْهَا أَحَدٌ وَلَمْ يُوَثِّقْهَا ، وَبَقِيَّةُ رِجَالِهِ وُثِّقُوا . ¤

سیدنا مسور بن مخرمہ رضی اللہ عنہ کے بارے میں یہ بات منقول ہے کہ سیدنا حسن بن حسن رضی اللہ عنہ نے سیدنا مسور رضی اللہ عنہ کو ان کی صاحبزادی کے لئے شادی کا پیغام دیا ، تو انہوں نے ( قاصد سے ) کہا: تم ان سے کہہ دو کہ وہ میرے ساتھ ملاقات کا وقت طے کر لیں جب ان کی ان سے ملاقات ہوئی ، تو سیدنا مسور رضی اللہ عنہ نے اللہ تعالیٰ کی حمد بیان کی اور یہ بات بیان کی کہ آپ کے نسب اور آپ کے ساتھ سسرالی رشتے کے حوالے سے جو تعلق ہو گا میرے نزدیک کوئی سبب کوئی نسب اور کوئی سسرالی رشتہ اس سے زیادہ پسندیدہ نہیں ہے ، کیونکہ نبی اکرم صلی اللہ علیہ وسلم نے یہ بات ارشاد فرمائی ہے : ” فاطمہ میرے وجود کا حصہ ہے ، وہ چیز مجھے خوش کرتی ہے ، جو اسے خوش کرتی ہے ، اور وہ مجھے ناگوار گزرتی ہے ، جو اسے ناگوار گزرتی ہے ، اور قیامت کے دن میرے سبب اور میرے نسب کے علاوہ تمام نسب منقطع ہو جائیں گے ۔ “ پھر سیدنا مسور بن مخرمہ رضی اللہ عنہ نے کہا: اُن کی اولاد میں سے ایک صاحبزادی آپ کی اہلیہ ہیں ، اگر میں نے آپ کی شادی اپنی بیٹی سے کروا دی ، تو اس صاحبزادی کو دکھ ہو گا ، یہ عذر بیان کر کے وہ تشریف لے گئے ۔
یہ روایت امام طبرانی نے نقل کی ہے ۔ اس کی سند میں ایک راوی ام بکر بنت مسور ہے کسی نے اس پر جرح نہیں کی اور کسی نے اس کی توثیق بھی نہیں کی ۔ اس روایت کے بقیہ رجال کی توثیق کی گئی ہے ۔