مجمع الزوائد ومنبع الفوائد

وَعَنْ عَبْدِ اللَّهِ بْنِ سَعْدِ بْنِ أَبِي سَرْحٍ قَالَ : بَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي عَشْرَةٍ مِنْ أَصْحَابِهِ : أَبُو بَكْرٍ وَعُمَرُ وَعُثْمَانُ وَعَلِيٌّ وَالزُّبَيْرُ وَغَيْرُهُمْ عَلَى جَبَلِ حِرَاءَ ، إِذْ تَحَرَّكَ بِهِمْ فَقَالَ النَّبِيُّ - صَلَّى اللَّهُ عَلَيْهِ وَسَلَّمَ - : " اسْكُنْ حِرَاءُ فَإِنَّهُ لَيْسَ عَلَيْكَ إِلَّا نَبِيٌّ أَوْ صِدِّيقٌ أَوْ شَهِيدٌ " . ¤ رَوَاهُ الطَّبَرَانِيُّ فِي الْأَوْسَطِ وَإِسْنَادُهُ حَسَنٌ . ¤ قُلْتُ : وَقَدْ تَقَدَّمَ حَدِيثُ ابْنِ عُمَرَ فِي مَنَاقِبِ سَعِيدِ بْنِ زَيْدٍ وَهُوَ أَصَحُّ شَيْءٍ عِنْدِي وَحَدِيثُ عُثْمَانَ . ¤

سیدنا عبداللہ بن سعد بن ابوسرح رضی اللہ عنہ بیان کرتے ہیں : ایک مرتبہ نبی اکرم صلی اللہ علیہ وسلم اپنے صحابہ کرام میں سے دس افراد کے درمیان موجود تھے جن میں سیدنا ابوبکر ، سیدنا عمر ، سیدنا عثمان ، سیدنا علی اور سیدنا زبیر رضی اللہ عنہم اور دیگر حضرات تھے ، یہ لوگ حرا پہاڑ پر موجود تھے اس دوران اس پہاڑ نے حرکت کی تو نبی اکرم صلی اللہ علیہ وسلم نے فرمایا : ” اے حرا تم پرسکون رہو کیونکہ تم پر ایک نبی ایک صدیق اور ایک شہید موجود ہے ۔ “
یہ روایت امام طبرانی نے معجم اوسط میں نقل کی ہے اور اس کی سند حسن ہے ۔ ( علامہ ہیثمی فرماتے ہیں : ) میں یہ کہتا ہوں ۔ اس سے پہلے سیدنا سعید بن زید رضی اللہ عنہ کے مناقب سے متعلق باب میں سیدنا عبداللہ بن عمر رضی اللہ عنہما کی نقل کردہ حدیث گزر چکی ہے اور وہ میرے نزدیک زیادہ مستند ہے اس کے علاوہ سیدنا عثمان رضی اللہ عنہ کی نقل کردہ حدیث بھی گزر چکی ہے ۔