مجمع الزوائد ومنبع الفوائد

وَعَنْ عَبْدِ الرَّحْمَنِ بْنِ عَوْفٍ قَالَ : انْطَلَقَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي طَلَبِ رَجُلٍ مِنَ الْأَنْصَارِ فَدَعَاهُ ، فَخَرَجَ الْأَنْصَارِيُّ وَرَأْسُهُ يَقْطُرُ مَاءً ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " مَا لِرَأْسِكَ ؟ " قَالَ : دَعَوْتَنِي وَأَنَا مَعَ أَهْلِي ، فَخِفْتُ أَنْ أَحْتَبِسَ عَلَيْكَ فَعَجِلْتُ ، فَقُمْتُ وَصَبَبْتُ عَلَيَّ الْمَاءَ ثُمَّ خَرَجْتُ ، فَقَالَ : " هَلْ كُنْتَ أَنْزَلْتَ ؟ " قَالَ : لَا . قَالَ : " إِذَا فَعَلْتَ ذَلِكَ فَلَا تَغْتَسِلَنَّ ، اغْسِلْ مَا مَسَّ الْمَرْأَةَ مِنْكَ ، وَتَوَضَّأْ وُضُوءَكَ لِلصَّلَاةِ ; فَإِنَّ الْمَاءَ مِنَ الْمَاءِ " .
رَوَاهُ أَبُو يَعْلَى وَالْبَزَّارُ مِنْ طَرِيقِ زَيْدِ بْنِ سَعْدٍ عَنْ أَبِي سَلَمَةَ بْنِ عَبْدِ الرَّحْمَنِ بْنِ عَوْفٍ ، عَنْ أَبِيهِ ، وَأَبُو سَلَمَةَ لَمْ يَسْمَعْ مِنْ أَبِيهِ ، وَزَيْدٌ لَمْ أَجِدْ مَنْ تَرْجَمَهُ .

سیدنا عبدالرحمن بن عوف رضی اللہ عنہ بیان کرتے ہیں : نبی اکرم صلی اللہ علیہ وسلم ایک انصاری شخص کو طلب کرنے کے لیے تشریف لے گئے ، آپ صلی اللہ علیہ وسلم نے اُسے بلایا ، جب وہ انصاری گھر سے باہر آیا ، تو اُس کے سر سے پانی کے قطرے ٹپک رہے تھے ، نبی اکرم صلی اللہ علیہ وسلم نے دریافت کیا : تمہارے سر کو کیا ہوا ہے ؟ اس نے عرض کی : جب آپ نے مجھے بلایا تھا ، اس وقت میں اپنی بیوی کے ساتھ تھا ، مجھے یہ اندیشہ ہوا کہ کہیں میری وجہ سے آپ کو انتظار نہ کرنا پڑے ، میں جلدی سے اُٹھا میں نے اپنے اوپر پانی بہایا اور باہر آ گیا ، نبی اکرم صلی اللہ علیہ وسلم نے دریافت کیا : کیا تمہیں انزال ہو گیا تھا ؟ اُس نے جواب دیا : جی نہیں ! نبی اکرم صلی اللہ علیہ وسلم نے فرمایا : جب تم اس طرح کرو ، تو غسل ہرگز نہ کرو ، عورت کا جو مواد تمہیں لگ جاتا ہے ، اُس کو دھو لو ، اور پھر نماز کے وضو کی طرح وضو کر لو ، کیونکہ پانی ، پانی کی وجہ سے لازم ہوتا ہے ۔
یہ روایت امام ابویعلیٰ اور امام بزار نے زید بن سعد کے حوالے سے ، ابوسلمہ بن عبدالرحمن بن عوف کے حوالے سے ، اُن کے والد سے نقل کی ہے ، ابوسلمہ نے اپنے والد سے سماع نہیں کیا ہے ، اور زید نامی راوی کے حالات بیان کرتے ہوئے ، میں نے کسی کو نہیں پایا ہے ۔