مجمع الزوائد ومنبع الفوائد

وَعَنْ أَنَسِ بْنِ مَالِكٍ ، أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - دَفَعَ إِلَى حَفْصَةَ بِنْتِ عُمَرَ رَجُلًا وَقَالَ لَهَا : " احْتَفِظِي بِهِ " ، فَغَفَلَتْ حَفْصَةُ وَمَضَى الرَّجُلُ ، فَدَخَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ : " يَا حَفْصَةُ ، مَا فَعَلَ الرَّجُلُ ؟ " ، قَالَتْ : غَفَلْتُ عَنْهُ يَا رَسُولَ اللَّهِ ، فَخَرَجَ ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ : " قَطَعَ اللَّهُ يَدَكِ " ، فَقَالَتْ بِيَدِهَا : هَكَذَا فَدَخَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ : " مَا شَأْنُكِ يَا حَفْصَةُ ؟ " ، قَالَتْ : يَا رَسُولَ اللَّهِ ، قُلْتَ قَبْلُ [ لِي ] كَذَا وَكَذَا ، قَالَ : " ضَعِي يَدَكِ ، فَإِنِّي سَأَلْتُ رَبِّي تَبَارَكَ وَتَعَالَى أَيُّمَا إِنْسَانٍ مِنْ أُمَّتِي دَعَوْتُ عَلَيْهِ أَنْ يَجْعَلَهَا لَهُ مَغْفِرَةً " ، رَوَاهُ أَحْمَدُ ، وَرِجَالُهُ رِجَالُ الصَّحِيحِ . ¤

سیدنا انس بن مالک رضی اللہ عنہ بیان کرتے ہیں : نبی اکرم صلی اللہ علیہ وسلم نے سیدہ حفصہ بنت عمر رضی اللہ عنہما کو ایک شخص دیا اور ان سے فرمایا : تم اس کا خیال رکھنا ، سیدہ حفصہ رضی اللہ عنہا اس سے غافل ہوئیں اور وہ شخص چلا گیا ، جب نبی اکرم صلی اللہ علیہ وسلم تشریف لائے ، تو آپ نے دریافت کیا : اے حفصہ ! اس شخص کا کیا حال ہے ؟ سیدہ حفصہ رضی اللہ عنہا نے عرض کی : یا رسول اللہ ! میں اس سے غافل ہوئی تو وہ چلا گیا ، نبی اکرم صلی اللہ علیہ وسلم نے فرمایا : اللہ تعالیٰ تمہارے ہاتھ کاٹ دے ، انہوں نے اپنے ہاتھ کے ذریعے اشارہ کیا ( یا اپنے ہاتھ اوپر کر لیے ) ، پھر بعد میں نبی اکرم صلی اللہ علیہ وسلم گھر میں تشریف لائے ، آپ صلی اللہ علیہ وسلم نے فرمایا : اے حفصہ ! تمہیں کیا ہوا ہے ؟ انہوں نے عرض کی : یا رسول اللہ ! آپ نے پہلے میرے بارے میں یہ یہ بات ارشاد فرمائی تھی ، تو نبی اکرم صلی اللہ علیہ وسلم نے فرمایا : ” تم اپنا ہاتھ نیچے کر لو ! میں نے اپنے پروردگار سے یہ دعا مانگی ہے ، کہ اپنی امت کے جس بھی فرد کے خلاف ، میں اللہ تعالیٰ سے دعا کروں ، تو اُس دعا کو اس شخص کے لئے مغفرت کا باعث بنا دے ۔ “
یہ روایت امام أحمد نے نقل کی ہے ، اور اس کے رجال ” صحیح “ کے رجال ہیں ۔