مجمع الزوائد ومنبع الفوائد

عَنْ عَمْرِو بْنِ مُرَّةَ الْجُهَنِيِّ قَالَ : جَاءَ رَجُلٌ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ : يَا رَسُولَ اللَّهِ ، شَهِدْتُ أَنْ لَا إِلَهَ إِلَّا اللَّهُ وَأَنَّكَ رَسُولُ اللَّهِ ، وَصَلَّيْتُ الْخَمْسَ ، وَأَدَّيْتُ زَكَاةَ مَالِي ، وَصُمْتُ [شَهْرَ] رَمَضَانَ . فَقَالَ النَّبِيُّ - صَلَّى اللَّهُ عَلَيْهِ وَسَلَّمَ - : " مَنْ مَاتَ عَلَى هَذَا كَانَ مَعَ النَّبِيِّينَ وَالصِّدِّيقِينَ وَالشُّهَدَاءِ يَوْمَ الْقِيَامَةِ هَكَذَا - وَنَصَبَ إِصْبَعَيْهِ - مَا لَمْ يَعُقَّ وَالِدَيْهِ " . رَوَاهُ أَحْمَدُ وَالطَّبَرَانِيُّ بِإِسْنَادَيْنِ وَرِجَالُ أَحَدِ إِسْنَادَيِ الطَّبَرَانِيِّ رِجَالُهُ رِجَالُ الصَّحِيحِ . ¤

سیدنا عمرو بن مرہ جہنی رضی اللہ عنہ بیان کرتے ہیں : ایک شخص نبی اکرم صلی اللہ علیہ وسلم کی خدمت میں حاضر ہوا ، اُس نے عرض کی : یا رسول اللہ ! میں اس بات کی گواہی دیتا ہوں کہ اللہ تعالیٰ کے علاوہ اور کوئی معبود نہیں ہے اور آپ اللہ کے رسول ہیں ، میں پانچ نمازیں ادا کرتا ہوں ، میں اپنے مال کی زکوٰۃ ادا کرتا ہوں ، میں رمضان کے مہینے کے روزے رکھتا ہوں ، نبی اکرم صلی اللہ علیہ وسلم نے فرمایا : ” جو شخص ایسی حالت میں مر جائے ، وہ قیامت کے دن انبیاء صدیقین اور شہداء کے ساتھ اس طرح ہو گا ، نبی اکرم صلی اللہ علیہ وسلم نے اپنی دو انگلیاں کھڑی کر کے ارشاد فرمایا ( اور پھر فرمایا : ) جبکہ وہ اپنے والدین کی نافرمانی نہ کرتا ہو ۔ “
یہ روایت امام أحمد اور امام طبرانی نے دو اسناد کے ساتھ نقل کی ہے ، امام طبرانی کی دو اسناد میں سے ایک کے رجال ” صحیح “ کے رجال ہیں ۔