مجمع الزوائد ومنبع الفوائد

وَعَنْ مُعَاذِ بْنِ جَبَلٍ قَالَ : مَرَّ بِيَ النَّبِيُّ - صَلَّى اللَّهُ عَلَيْهِ وَسَلَّمَ - وَأَنَا أَسْلَخُ شَاةً فَقَالَ لِي : " يَا مُعَاذُ ، هَاتِ - أَوْ أَرِنِي - " فَدَسَعَهَا دَسْعَتَيْنِ بَيْنَ اللَّحْمِ وَالْجِلْدِ ، ثُمَّ قَالَ : " يَا مُعَاذُ ، هَكَذَا ، ثُمَّ مَضَى إِلَى الصَّلَاةِ " . ¤ رَوَاهُ الطَّبَرَانِيُّ فِي الْكَبِيرِ ، وَفِيهِ ابْنُ لَهِيعَةَ ، وَهُوَ ضَعِيفٌ . ¤

سیدنا معاذ بن جبل رضی اللہ عنہ بیان کرتے ہیں : ایک مرتبہ نبی اکرم صلی اللہ علیہ وسلم میرے پاس سے گزرے ، میں اُس وقت بکری کی کھال اتارنے لگا تھا ، نبی اکرم صلی اللہ علیہ وسلم نے مجھ سے فرمایا : اے معاذ ! مجھے دو ! راوی کو شک ہے ، یا شاید یہ الفاظ ہیں : مجھے دکھاؤ ! پھر نبی اکرم صلی اللہ علیہ وسلم نے گوشت اور جلد کے درمیان دو مرتبہ ہاتھ ڈالا اور پھر ارشاد فرمایا : اے معاذ ! اس طرح کرتے ہیں ، پھر آپ صلی اللہ علیہ وسلم نماز کے لئے تشریف لے گئے ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی ابن لہیعہ ہے اور وہ ضعیف ہے ۔