مجمع الزوائد ومنبع الفوائد

وَعَنْ أَبِي أُمَامَةَ وَأَخِيهِ قَالَا : أَبْصَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَوْمًا يَتَوَضَّئُونَ ، فَقَالَ : " وَيْلٌ لِلْأَعْقَابِ مِنَ النَّارِ " . ¤ رَوَاهُ الطَّبَرَانِيُّ فِي الْكَبِيرِ مِنْ طُرُقٍ ; فَفِي بَعْضِهَا عَنْ أَبِي أُمَامَةَ وَأَخِيهِ ، وَفِي بَعْضِهَا عَنْ أَبِي أُمَامَةَ فَقَطْ ، وَفِي بَعْضِهَا عَنْ أَخِيهِ فَقَطْ ، وَفِي بَعْضِهَا قَالَ : رَأَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَوْمًا يَتَوَضَّئُونَ ، فَبَقِيَ عَلَى أَقْدَامِهِمْ قَدْرُ الدِّرْهَمِ ، فَقَالَ : " وَيْلٌ لِلْأَعْقَابِ مِنَ النَّارِ " . ¤ وَمَدَارُ طُرُقِهِ كُلِّهَا عَلَى لَيْثِ بْنِ أَبِي سُلَيْمٍ ، وَقَدِ اخْتَلَطَ . ¤

سیدنا ابوامامہ رضی اللہ عنہ اور اُن کے بھائی بیان کرتے ہیں : نبی اکرم صلی اللہ علیہ وسلم نے کچھ لوگوں کو وضو کرتے ہوئے دیکھا ، تو ارشاد فرمایا : ( بعض ) ایڑیوں کے لیے جہنم کی بربادی ہے ۔
یہ روایت امام طبرانی نے معجم کبیر میں مختلف طرق کے ساتھ نقل کی ہے ، جن میں سے بعض میں یہ مذکور ہے : یہ سیدنا ابوامامہ رضی اللہ عنہ اور ان کے بھائی سے منقول ہے ، بعض میں یہ مذکور ہے : یہ صرف سیدنا ابوامامہ رضی اللہ عنہ سے منقول ہے ، بعض میں یہ مذکور ہے : یہ صرف سیدنا ابوامامہ رضی اللہ عنہ کے بھائی سے منقول ہے اور بعض میں یہ مذکور ہے : وہ بیان کرتے ہیں : ” نبی اکرم صلی اللہ علیہ وسلم نے کچھ لوگوں کو وضو کرتے ہوئے دیکھا ، جن کے پاؤں پر ایک درہم جتنی جگہ باقی رہ گئی تھی ، تو آپ صلی اللہ علیہ وسلم نے ارشاد فرمایا : ( بعض ) ایڑیوں کے لیے جہنم کی بربادی ہے “ ۔ ان تمام طرق کا مدار لیث بن ابوسلیم نامی راوی پر ہے ، اور وہ اختلاط کا شکار ہو گیا تھا ۔