مجمع الزوائد ومنبع الفوائد

وَعَنْ ثَوْبَانَ مَوْلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ : قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - : " مَنْ دَعَا بِوُضُوءٍ ، فَسَاعَةَ يَفْرُغَ مِنْ وُضُوئِهِ يَقُولُ : أَشْهَدُ أَنْ لَا إِلَهَ إِلَّا اللَّهُ وَأَشْهَدُ أَنَّ مُحَمَّدًا رَسُولُ اللَّهِ ، اللَّهُمَّ اجْعَلْنِي مِنَ التَّوَّابِينَ وَاجْعَلْنِي مِنَ الْمُتَطَهِّرِينَ - فُتِحَتْ لَهُ ثَمَانِيَةُ أَبْوَابِ الْجَنَّةِ يَدْخُلُ مِنْ أَيِّهَا شَاءَ " . ¤ رَوَاهُ الطَّبَرَانِيُّ فِي الْأَوْسَطِ وَالْكَبِيرِ بِاخْتِصَارٍ ، وَقَالَ فِي الْأَوْسَطِ : تَفَرَّدَ بِهِ مِسْوَرُ بْنُ مُوَرِّعٍ ، وَلَمْ أَجِدْ مَنْ تَرْجَمَهُ ، وَفِيهِ أَحْمَدُ بْنُ سُهَيْلٍ الْوَرَّاقُ ، ذَكَرَهُ ابْنُ حِبَّانَ فِي الثِّقَاتِ ، وَفِي إِسْنَادِ الْكَبِيرِ أَبُو سَعِيدٍ الْبَقَّالِ ، وَالْأَكْثَرُ عَلَى تَضْعِيفِهِ ، وَوَثَّقَهُ بَعْضُهُمْ . ¤

سیدنا ثوبان رضی اللہ عنہ ، جو نبی اکرم صلی اللہ علیہ وسلم کے غلام ہیں ، وہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص وضو کرے اور وضو سے فارغ ہونے کے بعد یہ پڑھے : ” میں اس بات کی گواہی دیتا ہوں کہ اللہ تعالیٰ کے علاوہ اور کوئی معبود نہیں ہے ، اور میں اس بات کی گواہی دیتا ہوں کہ سیدنا محمد صلی اللہ علیہ وسلم اللہ کے رسول ہیں ، اے اللہ ! تو مجھے توبہ کرنے والوں میں بنا دے ، اور تو مجھے اچھی طرح سے طہارت حاصل کرنے والوں میں بنا دے “ ( نبی اکرم صلی اللہ علیہ وسلم فرماتے ہیں : ) تو اس شخص کے لئے جنت کے آٹھوں دروازے کھول دیے جاتے ہیں کہ وہ جس ( دروازے ) میں سے چاہے ( جنت میں ) داخل ہو جائے “ ۔
یہ روایت امام طبرانی نے معجم اوسط میں نقل کی ہے اور معجم کبیر میں اختصار کے ساتھ نقل کی ہے ، معجم اوسط میں وہ یہ فرماتے ہیں : مسور بن مورع نامی راوی اس روایت کو نقل کرنے میں منفرد ہے ، ( علامہ ہیثمی فرماتے ہیں : ) میں نے ایسا کوئی شخص نہیں پایا جس نے اس کے حالات بیان کیے ہوں ، اس روایت کی سند میں ایک راوی أحمد بن سہیل وراق ہے ، جس کا ذکر ابن حبان نے كتاب ” الثقات “ میں کیا ہے ، معجم کبیر کی سند میں ایک راوی ابوسعید بقال ہے ، اکثر حضرات نے اسے ” ضعیف “ قرار دیا ہے اور بعض نے اسے ” ثقہ “ قرار دیا ہے ۔