مجمع الزوائد ومنبع الفوائد

وَعَنِ ابْنِ عَبَّاسٍ قَالَ : دَخَلْتُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَهُوَ يَتَطَهَّرُ ، وَبَيْنَ يَدَيْهِ إِنَاءٌ قَدْرَ الْمُدِّ ، وَإِنْ زَادَ فَقَلَّمَا زَادَ ، وَإِنْ نَقَصَ فَقَلَّمَا نَقَصَ ، فَغَسَلَ يَدَيْهِ وَتَمَضْمَضَ وَاسْتَنْشَقَ ثَلَاثًا ثَلَاثًا ، وَغَسَلَ وَجْهَهُ ثَلَاثًا ، وَخَلَّلَ لِحْيَتَهُ ، وَغَسَلَ ذِرَاعَيْهِ ثَلَاثًا ، وَمَسَحَ بِرَأْسِهِ وَأُذُنَيْهِ مَرَّتَيْنِ مَرَّتَيْنِ ، وَغَسَلَ رِجْلَيْهِ حَتَّى أَنْقَاهُمَا ، فَقُلْتُ : يَا رَسُولَ اللَّهِ ، هَكَذَا التَّطَهُّرُ ؟ قَالَ : " هَكَذَا أَمَرَنِي رَبِّي عَزَّ وَجَلَّ " . ¤ رَوَاهُ الطَّبَرَانِيُّ فِي الْأَوْسَطِ ، وَفِيهِ نَافِعُ أَبُو هُرْمُزَ ، وَهُوَ ضَعِيفٌ جِدًّا . ¤

سیدنا عبداللہ بن عباس رضی اللہ عنہما بیان کرتے ہیں : میں نبی اکرم صلی اللہ علیہ وسلم کی خدمت میں حاضر ہوا ، آپ صلی اللہ علیہ وسلم اُس وقت وضو کر رہے تھے ، آپ کے سامنے جو برتن موجود تھا ، اس میں ایک ” مد “ کی مقدار میں پانی آتا تھا ، اگر زیادہ ہوتا ، تو تھوڑا سا زیادہ ہوتا ، اور اگر کم ہوتا ، تو تھوڑا سا کم ہوتا ، آپ نے اپنے دونوں ہاتھ دھوئے ، کلی کی ، ناک میں پانی ڈالا ، ایسا آپ نے تین ، تین مرتبہ کیا ، آپ نے اپنے چہرے کو تین مرتبہ دھویا ، اور اپنی داڑھی کا خلال کیا ، پھر اپنے دونوں بازو تین مرتبہ دھوئے ، اور اپنے سر اور دونوں کانوں پر دو ، دو مرتبہ مسح کیا پھر اپنے دونوں پاؤں دھوئے ، اور انہیں اچھی طرح صاف کیا ، میں نے عرض کی : یا رسول اللہ ! کیا اسی طرح طہارت حاصل کی جاتی ہے ؟ آپ نے ارشاد فرمایا : میرے پروردگار نے مجھے اسی طرح کرنے کا حکم دیا ہے ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی نافع ابوہرمز ہے اور وہ انتہائی ضعیف ہے ۔