مجمع الزوائد ومنبع الفوائد

وَعَنْ عُمَرَ - رَضِيَ اللَّهُ عَنْهُ - أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَمَرَهُ أَنْ يُؤَذِّنَ فِي النَّاسِ أَنَّهُ مَنْ شَهِدَ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ مُخْلِصًا - دَخَلَ الْجَنَّةَ ، فَقَالَ عُمَرُ : يَا رَسُولَ اللَّهِ ، إِذًا يَتَّكِلُوا ، فَقَالَ : " دَعْهُمْ " . ¤ رَوَاهُ أَبُو يَعْلَى وَالْبَزَّارُ ، إِلَّا أَنَّ عُمَرَ قَالَ : يَا رَسُولَ اللَّهِ إِذًا يَتَّكِلُوا ، قَالَ : " دَعْهُمْ يَتَّكِلُوا " . وَفِي إِسْنَادِهِ عَبْدُ اللَّهِ بْنُ مُحَمَّدِ بْنِ عَقِيلٍ ، وَهُوَ ضَعِيفٌ لِسُوءِ حِفْظِهِ . ¤

سیدنا عمر رضی اللہ عنہ بیان کرتے ہیں : نبی اکرم صلی اللہ علیہ وسلم نے انہیں یہ حکم دیا کہ وہ لوگوں کے درمیان یہ اعلان کریں : جو شخص اخلاص کے ساتھ اس بات کی گواہی دے کہ اللہ کے علاوہ اور کوئی معبود نہیں ہے صرف وہی معبود ہے اس کا کوئی شریک نہیں ہے تو وہ شخص جنت میں داخل ہو گا
سیدنا عمر رضی اللہ عنہ نے عرض کی : یا رسول اللہ ! اس صورت میں وہ لوگ اسی پر اکتفاء کر لیں گے تو نبی اکرم صلی اللہ علیہ وسلم نے فرمایا : ”انہیں رہنے دو ! “
یہ روایت امام ابویعلیٰ اور امام بزار نے نقل کی ہے تاہم انہوں نے یہ الفاظ نقل کیے ہیں۔
سیدنا عمر رضی اللہ عنہ نے عرض کی : یا رسول اللہ ! پھر وہ لوگ اسی پر تکیہ کر لیں گے تو نبی اکرم صلی اللہ علیہ وسلم نے ارشاد فرمایا : انہیں تکیہ کر لینے دو !
اس کی سند میں عبداللہ بن محمد بن عقیل راوی ہے جو اپنے خراب حافظے کی وجہ سے ضعیف ہے ۔