إتحاف الخيرة المهرة بزوائد المسانيد العشرة
كتاب الأذان— اذان کا بیان۔
باب فيمن خرج من المسجد بعد الأذان أو سمع النداء فلم يأته إلا من عذر باب: جو اذان کے بعد مسجد سے نکل جائے، یا اذان سن کر بغیر عذر کے نماز کے لیے نہ آئے، اس کے بارے میں۔
وَقَالَ مُسَدَّدٌ: ثَنَا يَحْيَى ، عَنْ سُلَيْمَانَ بْنِ الْمُغِيرَةِ، عَنْ أَبِي مُوسَى الْهِلَالِيِّ ، عَنْ أَبِيهِ ، عَنِ ابْنِ مَسْعُودٍ قَالَ: " مَنْ سَمِعَ الْأَذَانَ ثُمَّ لَمْ يَأْتِ الصَّلَاةَ مِنْ غَيْرِ عِلَّةٍ، فَلَا صَلَاةَ لَهُ " .
قُلْتُ: لَهُ شَاهِدٌ مِنْ حَدِيثِ ( بُرَيْدَةَ ) رَوَاهُ الْحَاكِمُ وَصَحَّحَهُ، وَلَفْظُهُ: "مَنْ سَمِعَ النِّدَاءَ فَارِغًا صَحِيحًا فَلَمْ يُجِبْ فَلَا صَلَاةَ لَهُ " .
وَرَوَاهُ أَبُو دَاوُدَ، وَابْنُ مَاجَهْ، وَابْنُ حِبَّانَ فِي صَحِيحِهِ، وَالْحَاكِمُ وَصَحَّحَهُ، مِنْ حَدِيثِ ابْنِ عَبَّاسٍ وَلَفْظُهُ: "مَنْ سَمِعَ النِّدَاءَ فَلَمْ يُجِبْ فَلَا صَلَاةَ لَهُ إِلَّا مِنْ عُذْرٍ " .
وَرَوَاهُ مُسَدَّدٌ وَغَيْرُهُ مِنْ حَدِيثِ أَبِي هُرَيْرَةَ، وَسَيَأْتِي فِي كِتَابِ الْمَسَاجِدِ هُوَ وَغَيْرُهُ.سیدنا عبداللہ بن مسعود رضی اللہ عنہ سے روایت ہے کہ انہوں نے فرمایا: ”جس شخص نے اذان سنی پھر کسی بیماری یا عذر کے بغیر نماز کے لیے نہ آیا، تو اس کی کوئی نماز (معتبر) نہیں۔“
میں (بوصیری) کہتا ہوں: اس روایت کا ایک شاہد سیدنا بریدہ رضی اللہ عنہ کی حدیث سے مروی ہے جسے امام حاکم رحمہ اللہ نے روایت کیا اور اسے صحیح قرار دیا ہے، اس کے الفاظ یہ ہیں: ”جس شخص نے فراغت اور صحت مندی کی حالت میں پکار (اذان) سنی اور پھر اس کا جواب نہ دیا، تو اس کی کوئی نماز نہیں۔“
نیز اسے امام ابوداؤد، امام ابن ماجہ، امام ابن حبان رحمہ اللہ نے اپنی صحیح میں اور امام حاکم رحمہ اللہ نے روایت کیا اور صحیح قرار دیا ہے، یہ سیدنا عبداللہ بن عباس رضی اللہ عنہما کی حدیث سے ہے جس کے الفاظ یہ ہیں: ”جس شخص نے پکار (اذان) سنی اور اس کا جواب نہ دیا، تو اس کی کوئی نماز نہیں سوائے اس کے کہ کوئی عذر درپیش ہو۔“
اور اسے امام مسدد رحمہ اللہ اور دیگر نے سیدنا ابوہریرہ رضی اللہ عنہ کی حدیث سے بھی روایت کیا ہے، اور یہ روایت مع دیگر شواہد کے عنقریب 'کتاب المساجد' میں آئے گی۔