إتحاف الخيرة المهرة بزوائد المسانيد العشرة
كتاب المناقب— مناقب (فضائل) کا بیان۔
باب فيمن آمن بالنبي صلى الله عليه وسلم ورآه ومن آمن به ولم يره باب: جو نبی ﷺ پر ایمان لایا اور آپ کو دیکھا، اور جو آپ پر ایمان لایا مگر آپ کو نہیں دیکھا۔
وَعَنْ مُحَمَّدِ بْنِ كَعْبٍ، عَنْ عَوْفِ بْنِ مَالِكٍ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : "يَا لَيْتَنِي لَقِيتُ إِخْوَانِي! قَالُوا: يَا رَسُولَ اللَّهِ، أَلَسْنَا إِخْوَانَكَ وَأَصْحَابَكَ؟ قَالَ: بَلَى، وَلَكِنْ قَوْمٌ يَجِيئُونَ مِنْ بَعْدِكُمْ، يُؤْمِنُونَ بِي إِيمَانَكُمْ، وَيُصَدِّقُونِي تَصْدِيقَكُمْ، وَيَنْصُرُونِي نَصْرَكُمْ، فَيَا لَيْتَنِي قَدْ لَقِيتُ إِخْوَانِي".
رَوَاهُ أَبُو بَكْرِ بْنُ أَبِي شَيْبَةَ بِسَنَدٍ فِيهِ مُوسَى بْنُ عُبَيْدَةَ الرَّبَذِيُّ، وَهُوَ ضَعِيفٌ.سیدنا عوف بن مالک رضی اللہ عنہ سے روایت ہے کہ رسول اللہ ﷺ نے ارشاد فرمایا: ”کاش کہ میں اپنے بھائیوں سے ملاقات کرتا!“ صحابہ کرام نے عرض کی: اے اللہ کے رسول! کیا ہم آپ کے بھائی اور آپ کے ساتھی نہیں ہیں؟ آپ ﷺ نے فرمایا: ”کیوں نہیں، (تم میرے صحابی ہو) لیکن (میرے بھائی) وہ لوگ ہوں گے جو تمہارے بعد آئیں گے، وہ مجھ پر ویسا ہی ایمان لائیں گے جیسا تم لائے ہو، میری ویسی ہی تصدیق کریں گے جیسی تم نے کی ہے اور میری ویسی ہی نصرت و حمایت کریں گے جیسی تم نے کی ہے، پس اے کاش کہ میں اپنے بھائیوں سے مل پاتا۔“ اس حدیث کو امام ابوبکر بن ابی شیبہ نے ایسی سند کے ساتھ روایت کیا ہے جس میں موسیٰ بن عبیدہ الربذی راوی ہے اور وہ ضعیف ہے۔