إتحاف الخيرة المهرة بزوائد المسانيد العشرة
كتاب المناقب— مناقب (فضائل) کا بیان۔
باب فيما اشترك فيه فاطمة والحسن والحسين من الفضل، رضي الله عنهم باب: سیدہ فاطمہ، سیدنا حسن اور سیدنا حسین رضی اللہ عنہم کی مشترکہ فضیلت کا بیان۔
حدیث نمبر: 6762
وَعَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ فِي الْحَسَنِ وَالْحُسَيْنِ: مَنْ أَحَبَّنِي فَلْيُحِبَّ هَذَيْنِ".
رَوَاهُ أَبُو دَاوُدَ الطَّيَالِسِيُّ وَالْبَزَّارُ بِإِسْنَادٍ حَسَنٍ.
وَرَوَاهُ أَبُو بَكْرِ بْنُ أَبِي شَيْبَةَ ، وَالنَّسَائِيُّ فِي الْكُبْرَى، وَابْنُ مَاجَهْ بِإِسْنَادٍ صَحِيحٍ بِلَفْظِ: "مَنْ أَحَبَّ الْحَسَنَ وَالْحُسَيْنَ فَقَدْ أَحَبَّنِي، وَمَنْ أَبْغَضَهُمَا فَقَدْ أَبْغَضَنِي".ترجمہ
سیدنا ابوہریرہ رضی اللہ عنہ سے روایت ہے کہ نبی کریم ﷺ نے سیدنا حسن اور سیدنا حسین رضی اللہ عنہما کے متعلق ارشاد فرمایا: ”جو شخص مجھ سے محبت رکھتا ہے اسے چاہیے کہ وہ ان دونوں سے بھی محبت کرے۔“ اس حدیث کو امام ابوداؤد طیالسی اور امام بزار نے حسن سند کے ساتھ روایت کیا ہے، جبکہ امام ابوبکر بن ابی شیبہ، امام نسائی نے ’الکبریٰ‘ میں اور امام ابن ماجہ نے اسے صحیح سند کے ساتھ ان الفاظ میں روایت کیا ہے: ”جس نے حسن اور حسین (رضی اللہ عنہما) سے محبت کی اس نے یقیناً مجھ سے محبت کی، اور جس نے ان دونوں سے بغض رکھا اس نے یقیناً مجھ سے بغض رکھا۔“