❮
❯
حدیث نمبر: 5846
وَقَالَ أَحْمَدُ بْنُ مَنِيعٍ : ثَنَا مَرْوَانُ بْنُ شُجَاعٍ، عَنِ ابْنِ جُرَيْجٍ ، عَنْ عَطَاءٍ قَالَ: " أَتَيْتُ ابْنَ عَبَّاسٍ وَهُوَ يَنْزِعُ فِي زَمْزَمَ وَقَدِ ابْتَلَّتْ أَسَافِلُ ثِيَابِهِ، فَقُلْتُ لَهُ: قَدْ تُكُلِّمَ فِي الْقَدَرِ. قَالَ: قَدْ فَعَلُوهَا! مَا نَزَلَتْ هَذِهِ الْآيَةُ إِلَّا فِيهِمْ ( ذُوقُوا مَسَّ سَقَرَ إِنَّا كُلَّ شَيْءٍ خَلَقْنَاهُ بِقَدَرٍ ) أُولَئِكَ شِرَارُ هَذِهِ الْأُمَّةِ، لَا تَعُودُوا مَرْضَاهُمْ، وَلَا تُصَلُّوا عَلَى مَوْتَاهُمْ، إِنْ أَرَيْتَنِي أَحَدًا مِنْهُمْ لَأَفْقَأَنَّ عَيْنَهُ بِإِصْبُعَيَّ هَاتَيْنِ".
هَذَا إِسْنَادٌ رُوَاتُهُ ثِقَاتٌ.
ترجمہ

عطاء رحمہ اللہ بیان کرتے ہیں کہ میں سیدنا عبد اللہ بن عباس رضی اللہ عنہما کی خدمت میں حاضر ہوا تو وہ زمزم سے پانی نکال رہے تھے اور ان کے لباس کا نچلا حصہ تر ہو چکا تھا، میں نے ان سے عرض کی کہ اب تقدیر کے معاملے میں بحث و تکرار ہونے لگی ہے، جس پر آپ رضی اللہ عنہما نے فرمایا: ”کیا واقعی انہوں نے یہ کام شروع کر دیا ہے؟ یہ آیت ﴿ذُوقُوا مَسَّ سَقَرَ إِنَّا كُلَّ شَيْءٍ خَلَقْنَاهُ بِقَدَرٍ﴾ یعنی ”تم دوزخ کی تپش چکھو، بے شک ہم نے ہر چیز کو ایک تقدیر کے ساتھ پیدا کیا ہے“ انہی لوگوں کے بارے میں نازل ہوئی ہے، یہ لوگ اس امت کے بدترین افراد ہیں، تم ان کے بیماروں کی عیادت نہ کرنا اور نہ ہی ان کے جنازوں میں شریک ہونا، اگر تم ان میں سے کسی کو میرے سامنے لے آؤ تو میں اپنی ان دو انگلیوں سے اس کی آنکھ نکال دوں“۔ اس روایت کی سند کے تمام راوی ثقہ (قابلِ اعتماد) ہیں۔

حوالہ حدیث إتحاف الخيرة المهرة بزوائد المسانيد العشرة / كتاب التفسير / حدیث: 5846
درجۂ حدیث محدثین: رجاله ثقات
تخریج حدیث «هذا إسناد رواته ثقات»