إتحاف الخيرة المهرة بزوائد المسانيد العشرة
كتاب الأدب وغيره— آداب وغیرہ کا بیان۔
باب ما جاء في الاستئذان باب: اجازت طلب کرنے کے بارے میں جو کچھ آیا ہے۔
وَقَالَ أَبُو بَكْرِ بْنُ أَبِي شَيْبَةَ : ثَنَا يَعْلَى بْنُ عُبَيْدٍ ، عَنْ مَعْمَرٍ ، ثَنَا الْأَعْمَشُ ، عَنْ جَعْفَرِ بْنِ عَبْدِ الرَّحْمَنِ ، عَنْ أُمِّ طَارِقٍ مَوْلَاةِ سَعْدٍ قَالَتْ : " جَاءَ النَّبِيُّ صَلَّى اللَّهُ عَلَيْهِ وَسَلَّمَ إِلَى سَعْدٍ فَاسْتَأْذَنَ، فَسَكَتَ. ثُمَّ أَعَادَ، فَسَكَتَ سَعْدٌ، ثُمَّ أَعَادَ، فَسَكَتَ سَعْدٌ، فَانْصَرَفَ النَّبِيُّ صَلَّى اللَّهُ عَلَيْهِ وَسَلَّمَ فَأَرْسَلَنِي سَعْدٌ إِلَيْهِ، أَنَّهُ لَمْ يَمْنَعْنَا أَنْ نَأْذَنَ لَكَ إِلَّا أَنَّا أَرَدْنَا أَنْ تَزِيدَنَا، قَالَتْ: فَسَمِعْتُ صَوْتًا عَلَى الْبَابِ يَسْتَأْذِنُ وَلَا أَرَى شَيْئًا، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : مَنْ أَنْتَ ؟ قَالَتْ: أَنَا أُمُّ مِلْدَمٍ. فَقَالَ: لَا مَرْحَبًا وَلَا أَهْلًا أَتُذْهِبِينَ إِلَى قُبَاءَ؟ قَالَتْ: نَعَمْ. قَالَ: فَاذْهَبِي إِلَيْهِمْ ".
هَذَا إِسْنَادٌ رُوَاتُهُ ثِقَاتٌ.سیدہ امِ طارق رضی اللہ عنہا (جو سیدنا سعد رضی اللہ عنہ کی آزاد کردہ کنیز ہیں) سے روایت ہے کہ نبی کریم ﷺ سیدنا سعد رضی اللہ عنہ کے ہاں تشریف لائے اور اندر آنے کی اجازت چاہی مگر وہ خاموش رہے، آپ ﷺ نے دوبارہ اجازت طلب کی تو سیدنا سعد رضی اللہ عنہ پھر بھی خاموش رہے، آپ ﷺ نے تیسری بار اجازت مانگی اور وہ پھر خاموش رہے تو نبی کریم ﷺ وہاں سے واپس پلٹ گئے، تب سیدنا سعد رضی اللہ عنہ نے مجھے آپ ﷺ کے پاس یہ وضاحت کرنے کے لیے بھیجا کہ ”ہمیں آپ ﷺ کو اندر آنے کی اجازت دینے سے کسی چیز نے نہیں روکا تھا بلکہ ہماری خواہش یہ تھی کہ آپ ﷺ (سلام و دعا کی صورت میں) ہم پر برکتوں کا مزید اضافہ فرمائیں۔“ سیدہ ام طارق رضی اللہ عنہا بیان کرتی ہیں کہ میں نے دروازے پر ایک آواز سنی جو اندر آنے کی اجازت مانگ رہی تھی حالانکہ مجھے کوئی نظر نہیں آ رہا تھا، تو رسول اللہ ﷺ نے دریافت فرمایا: ”تم کون ہو؟“ اس نے کہا: ”میں امِ ملدم (بخار) ہوں۔“ آپ ﷺ نے فرمایا: ”تیرے لیے کوئی خوش آمدید اور بھلائی نہیں، کیا تو قبا کی طرف جا رہی ہے؟“ اس نے کہا: ”جی ہاں۔“ آپ ﷺ نے فرمایا: ”تو پھر انہی کی طرف چلی جا۔“ اس حدیث کی سند کے تمام راوی ثقہ (قابلِ اعتماد) ہیں۔