إتحاف الخيرة المهرة بزوائد المسانيد العشرة
كتاب البر والصلة— نیکی اور صلہ رحمی کا بیان۔
باب ما جاء في الإحسان إلى البنات والأخوات باب: بیٹیوں اور بہنوں کے ساتھ حسنِ سلوک کے بارے میں جو کچھ آیا ہے۔
وَعَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ وُلِدَتْ لَهُ أُنْثَى فَلَمْ يَئِدْهَا، وَلَمْ يُهِنْهَا، وَلَمْ يُؤْثِرْ وَلَدَهُ عَلَيْهَا، أَدْخَلَهُ اللَّهُ بِهَا الْجَنَّةَ " .
رَوَاهُ أَحْمَدُ بْنُ مَنِيعٍ .
وَرَوَاهُ أَيْضًا أَبُو يَعْلَى، وَعَنْهُ ابْنُ حِبَّانَ فِي صَحِيحِهِ بِلَفْظِ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ وُلِدَتْ لَهُ ابْنَتَانِ فَأَحْسَنَ إِلَيْهِمَا مَا صَحِبَهُمَا أَدْخَلَهُ اللَّهُ - عَزَّ وَجَلَّ - بِهِمَا الْجَنَّةَ " .سیدنا عبداللہ بن عباس رضی اللہ عنہما سے روایت ہے کہ رسول اللہ ﷺ نے ارشاد فرمایا: ”جس شخص کے ہاں بیٹی پیدا ہو اور وہ اسے (زمانہ جاہلیت کی طرح) زندہ درگور نہ کرے، نہ اسے ذلیل و خوار سمجھے اور نہ ہی اپنے بیٹے کو اس پر ترجیح دے، تو اللہ تعالیٰ اس کی بدولت اسے جنت میں داخل فرمائے گا“، اس حدیث کو امام احمد بن منیع نے روایت کیا ہے، نیز اسے امام ابو یعلیٰ نے بھی نقل کیا ہے اور ان سے امام ابن حبان نے اپنی صحیح میں ان الفاظ کے ساتھ روایت کیا ہے کہ رسول اللہ ﷺ نے ارشاد فرمایا: ”جس شخص کی دو بیٹیاں پیدا ہوں اور وہ جب تک اس کے پاس رہیں ان کے ساتھ حسنِ سلوک کرے تو اللہ عزوجل ان دونوں کی وجہ سے اسے جنت میں داخل فرمائے گا۔“