إتحاف الخيرة المهرة بزوائد المسانيد العشرة
كتاب الإيمان— ایمان کا بیان۔
باب بيعة النساء باب: عورتوں کی بیعت کا بیان۔
قَالَ أَبُو يَعْلَى الْمَوْصِلِيُّ: وَثَنَا نَصْرُ بْنُ عَلِيٍّ، حَدَّثَتْنِي غِبْطَةُ أُمُّ عَمْرٍو عَجُوزٌ مِنْ بَنِي مُجَاشِعٍ، حَدَّثَتْنِي عَمَّتِي، عَنْ جَدَّتِي، عَنْ عَائِشَةَ قَالَتْ: "جَاءَتْ هِنْدُ بِنْتُ عُتْبَةَ بْنِ رَبِيعَةَ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ لِتُبَايِعَهُ، فَنَظَرَ إِلَيْهَا فَقَالَ: اذْهَبِي فَغَيِّرِي يَدَكِ، قَالَتْ: فَذَهَبْتُ فَغَيَّرْتُهَا بِحِنَّاءَ. ثُمَّ جَاءَتْ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ: أُبَايِعُكِ عَلَى أَنْ لَا تُشْرِكِي بِاللَّهِ شَيْئًا، وَلَا تَسْرِقِي، وَلَا تَزْنِي. قَالَتْ: أَوَ تَزْنِي الْحُرَّةُ؟! قَالَ: وَلَا تَقْتُلْنَ أَوْلَادَكُنَّ خَشْيَةَ إِمْلَاقٍ. قَالَتْ: وَهَلْ تَرَكْتَ لَنَا أَوْلَادًا نَقْتُلُهُمْ؟! قَالَتْ: فَبَايَعْتُهُ، ثُمَّ قَالَتْ لَهُ، وَعَلَيْهَا سِوَارَيْنِ مِنْ ذَهَبٍ: مَا تَقُولُ فِي هَذَيْنِ السِّوَارَيْنِ؟ قَالَ: جَمْرَتَيْنِ مِنْ جَمْرِ جَهَنَّمَ " .سیدہ عائشہ رضی اللہ عنہا سے روایت ہے کہ سیدہ ہندہ بنتِ عتبہ بن ربیعہ رضی اللہ عنہا رسول اللہ ﷺ کی بارگاہ میں بیعت کے لیے حاضر ہوئیں، آپ ﷺ نے ان کی جانب دیکھ کر ارشاد فرمایا: ”جاؤ اور اپنے ہاتھوں کی رنگت تبدیل کرو۔“ وہ بیان کرتی ہیں کہ میں گئی اور میں نے مہندی سے اپنے ہاتھ رنگ لیے، پھر وہ دوبارہ رسول اللہ ﷺ کی خدمت میں حاضر ہوئیں تو آپ ﷺ نے ارشاد فرمایا: ”میں تم سے ان شرائط پر بیعت لیتا ہوں کہ ﴿تم اللہ کے ساتھ کسی چیز کو شریک نہیں ٹھہراؤ گی، چوری نہیں کرو گی اور بدکاری نہیں کرو گی﴾۔“ انہوں نے عرض کیا: ”بھلا کیا کوئی آزاد عورت بھی بدکاری کر سکتی ہے؟!“ آپ ﷺ نے (مزید) فرمایا: ”﴿اور اپنی اولاد کو تنگدستی کے خوف سے قتل نہیں کرو گی﴾۔“ انہوں نے (حسرت سے) عرض کیا: ”کیا آپ نے ہمارے لیے کوئی اولاد چھوڑی بھی ہے جسے ہم قتل کریں؟!“ سیدہ ہندہ رضی اللہ عنہا بیان کرتی ہیں کہ پھر میں نے آپ ﷺ سے بیعت کر لی، اس وقت انہوں نے سونے کے دو کنگن پہن رکھے تھے، انہوں نے دریافت کیا کہ ان دو کنگنوں کے بارے میں آپ کیا ارشاد فرماتے ہیں؟ آپ ﷺ نے ارشاد فرمایا: ”یہ جہنم کے انگاروں میں سے دو انگارے ہیں۔“