❮
❯
حدیث نمبر: 4190
قَالَ: وَثَنَا أَبُو نُعَيْمٍ الْمُلَائِيُّ، ثَنَا بَدْرُ بْنُ عُثْمَانَ، حَدَّثَنِي أَبُو بَكْرِ بْنُ حَفْصِ بْنِ عُمَرَ بْنِ سَعْدِ بْنِ أَبِي وَقَّاصٍ، عَنْ سَعْدٍ ، عَنْ عُمَرَ بْنِ الْخَطَّابِ أَنَّهُ أَرَادَ أَنْ يَسْتَعْمِلَ رَجُلًا مِنْ أَصْحَابِ رَسُولِ اللَّهِ صَلَّى اللَّهُ عَلَيْهِ وَسَلَّمَ فَكَأَنَّ الرَّجُلَ يَكْرَهُ ذَلِكَ، فَغَضِبَ عُمَرُ وَقَالَ: إِنَّهُ لَا بُدَّ لِهَذَا الْأَمْرِ الَّذِي نَحْنُ فِيهِ مِنْ أَعْوَانٍ عَلَيْهِ، فَلَمَّا رَأَى ذَلِكَ سَمَحَ لَهُ وَقَالَ: أَنْطَلِقُ إِلَى أَهْلِي فَأُوصِيهِمْ ثُمَّ أَرُوحُ. فَقَالَ: نَعَمْ، فَخَرَجَ مِنْ عِنْدِهِ فَلَقِيَهُ عَمُّهُ، فَقَالَ: آمُرُكَ أَنْ لَا تَفْعَلَ، قَالَ: كَيْفَ بِأَمْرِهِ ؟ قَالَ: تَرُوحُ وَأَرُوحُ مَعَكَ، فَإِنَّهُ إِذَا رَآكَ سَيَقُولُ لَكَ: أَمَا رُحْتَ ؟، فَقُلْ: يَا أَمِيرَ الْمُؤْمِنِينَ، إِنِّي أَسَتْخِيرُكَ فَفَعَلَ، فَقَالَ: مَنْ نَهَاكَ ؟ فَقَالَ: فُلَانٌ - لِعَمِّهِ - فَقَالَ: أَمَا إِنِّي سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ - وَأَرَادَ أَنْ يَسْتَعْمِلَ رَجُلًا عَلَى شَيْءٍ مِنْ عَمَلِ الْمُسْلِمِينَ فَقَالَ الرَّجُلُ: يَا رَسُولَ اللَّهِ إِنِّي أَسْتَخْيِرُكَ. قَالَ: فَإِنِّي أَخْتَارُ - ، لَكَ أَنْ تَجْلِسَ - فَإِنَّهُ لَنْ يُؤَمَّرَ رَجُلٌ عَلَى عَشَرَةٍ أَبَدًا إِلَّا أَتَى اللَّهَ مَغْلُولًا يَوْمَ الْقِيَامَةِ حَتَّى يَكُونَ عَمَلُهُ هُوَ الَّذِي يَحُلُّ عَنْهُ. وَكَانَ عُمَرُ مُتَّكِئًا فَاسْتَوَى جَالِسًا، فَجَعَلَ يُنَادِي: أَيُّ عَمَلٍ يَحُلُّ عَنْهُ، فَنَادَى بِذَلِكَ مَرَّاتٍ .
ترجمہ

سیدنا عمر بن خطاب رضی اللہ عنہ سے روایت ہے کہ انہوں نے رسول اللہ ﷺ کے اصحاب میں سے ایک شخص کو کسی سرکاری منصب پر فائز کرنا چاہا تو اس شخص نے اس سے ناپسندیدگی کا اظہار کیا۔ اس پر سیدنا عمر رضی اللہ عنہ جلال میں آ گئے اور فرمایا: ”جس نظامِ حکومت کی ذمہ داری ہم پر ہے، اس کے لیے مددگاروں کا ہونا لازمی ہے۔“ جب اس شخص نے یہ صورتِ حال دیکھی تو وہ راضی ہو گیا اور کہا: ”میں اپنے گھر والوں کے پاس جا کر انہیں ضروری وصیتیں کر آؤں، پھر روانہ ہوتا ہوں۔“ آپ نے فرمایا: ”بہتر ہے۔“ وہ وہاں سے نکلا تو اسے اس کے چچا ملے، انہوں نے کہا: ”میں تمہیں حکم دیتا ہوں کہ یہ عہدہ ہرگز قبول نہ کرنا۔“ اس نے کہا: ”پھر امیر المؤمنین کے حکم کا کیا ہوگا؟“ چچا نے کہا: ”تم واپس چلو، میں بھی تمہارے ساتھ چلتا ہوں، جب وہ تمہیں دیکھیں گے تو کہیں گے: کیا تم ابھی تک گئے نہیں؟ تو تم عرض کرنا: اے امیر المؤمنین! میں اس معاملے میں آپ ہی سے بہتر انتخاب کا طالب ہوں۔“ اس نے ایسا ہی کیا تو سیدنا عمر رضی اللہ عنہ نے پوچھا: ”تمہیں اس سے کس نے منع کیا ہے؟“ اس نے اپنے چچا کا نام بتایا۔ تب سیدنا عمر رضی اللہ عنہ نے فرمایا: ”سنو! میں نے رسول اللہ ﷺ کو یہ فرماتے ہوئے سنا ہے“ — اور واقعہ یہ تھا کہ آپ ﷺ کا منشا ایک شخص کو مسلمانوں کے کسی انتظامی کام پر مامور کرنا تھا تو اس شخص نے عرض کیا تھا: «يَا رَسُولَ اللَّهِ إِنِّي أَسْتَخْيِرُكَ» ”اے اللہ کے رسول! میں آپ ہی سے خیر اور بہتر فیصلے کی طلب گاری کرتا ہوں“، تو آپ ﷺ نے ارشاد فرمایا: ”پھر میں تمہارے لیے یہی پسند کرتا ہوں کہ تم اس ذمہ داری سے دور رہو“ — ”کیونکہ جس کسی کو بھی دس افراد پر نگران بنایا جائے گا، وہ قیامت کے دن اللہ کے حضور اس حال میں پیش ہوگا کہ اس کے ہاتھ گردن سے بندھے ہوں گے، یہاں تک کہ اس کا (عادلانہ) عمل ہی اسے اس گرفت سے خلاصی دلائے گا۔“ اس وقت سیدنا عمر رضی اللہ عنہ ٹیک لگائے ہوئے تھے، (یہ کلمات ادا کرتے ہوئے) وہ تڑپ کر سیدھے بیٹھ گئے اور بار بار یہ پکارنے لگے: ”بھلا وہ کون سا عمل ہے جو اسے اس گرفت سے خلاصی دلائے گا؟“۔

حوالہ حدیث إتحاف الخيرة المهرة بزوائد المسانيد العشرة / كتاب الإمارة / حدیث: 4190
درجۂ حدیث محدثین: سكت عنه البوصيري، أثر موقوف؛ رجاله ثقات، وفي سماع أبي بكر بن حفص من سعد نظر
تخریج حدیث «أبو بكر بن حفص بن عمر بن سعد اسمه عبد الله (التقريب)، ثقة من الخامسة (من الحفظ) فلم يدرك جد أبيه سعدًا؛ بدر بن عثمان ثقة (من الحفظ)»