إتحاف الخيرة المهرة بزوائد المسانيد العشرة
كتاب العلم— علم کا بیان۔
باب ما جاء في العلم وطلبه وحفظه وتعلمه وتعليمه وفضل العلماء والمتعلمين باب: علم، اس کی طلب، اسے یاد کرنے، سیکھنے اور سکھانے، اور علماء و طلبہ کی فضیلت کے بارے میں جو کچھ آیا ہے۔
قَالَ الطَّيَالِسِيُّ: ثَنَا الصَّعْقُ بْنُ حَزْنٍ، عَنْ عَقِيلٍ الْجَعْدِيِّ ، عَنْ أَبِي إِسْحَاقَ، عَنْ سُوَيْدِ بْنِ غَفْلَةَ، عَنْ عَبْدِ اللَّهِ بْنِ مَسْعُودٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "يَا عَبْدَ اللَّهِ، أَتَدْرِي أَيُّ عُرَى الْإِسْلَامِ أَوْثَقُ؟ قَالَ: قُلْتُ: اللَّهُ وَرَسُولُهُ أَعْلَمُ، قَالَ: الْوِلَايَةُ فِي اللَّهِ، وَالْحُبُّ فِي اللَّهِ، وَالْبُغْضُ فِي اللَّهِ. أَتَدْرِي أَيُّ النَّاسِ أَعْلَمُ؟ قُلْتُ: اللَّهُ وَرَسُولُهُ أَعْلَمُ، قَالَ: فَإِنَّ أَعْلَمَ النَّاسِ أَعْلَمُهُمْ بِالْحَقِّ إِذَا اخْتَلَفَ النَّاسُ وَإِنْ كَانَ مُقَصِّرًا فِي الْعِلْمِ، وَإِنْ كَانَ زَحَفَ عَلَى اسْتِهِ " .
رَوَاهُ أَبُو بَكْرِ بْنُ أَبِي شَيْبَةَ: ثَنَا زَيْدُ بْنُ الْحُبَابِ، حَدَّثَنِي الصَّعْقُ بْنُ حَزْنٍ الْبَكْرِيُّ، حَدَّثَنِي عَقِيلٌ الْجَعْدِيُّ ، عَنْ أَبِي إِسْحَاقَ السَّبِيعِيِّ، عَنْ سُوَيْدِ بْنِ غَفْلَةَ، عَنْ عَبْدِ اللَّهِ قَالَ: "دَخَلْتُ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ: يَا ابْنَ مَسْعُودٍ: تَدْرِي أَيُّ عُرَى الْإِيمَانِ أَوْثَقُ؟ فَقُلْتُ: لَبَّيْكَ يَا رَسُولَ اللَّهِ، اللَّهُ وَرَسُولُهُ أَعْلَمُ، حَتَّى قَالَ لِي ثَلَاثًا، قَالَ: فَإِنَّ أَوْثَقَ عُرَى الْإِيمَانِ الْحُبُّ فِي اللَّهِ وَالْبُغْضُ فِي اللَّهِ. ثُمَّ قَالَ لِي: يَا ابْنَ مَسْعُودٍ. قُلْتُ: لَبَّيْكَ يَا رَسُولَ اللَّهِ، قَالَ: أَتَدْرِي أَيُّ النَّاسِ أَفْضَلُ؟ قُلْتُ: اللَّهُ وَرَسُولُهُ أَعَلَمُ حَتَّى قَالَهَا ثَلَاثًا، قَالَ: فَإِنَّ أَفْضَلَهُمْ عِلْمًا إِذَا فَقِهُوا فِي دِينِهِمْ. ثُمَّ قَالَ لِي: يَا ابْنَ مَسْعُودٍ. قُلْتُ: لَبَّيْكَ يَا رَسُولَ اللَّهِ، قَالَ: تَدْرِي أَيُّ النَّاسِ أَعْلَمُ. حَتَّى قَالَهَا لِي ثَلَاثًا، قُلْتُ: اللَّهُ وَرَسُولُهُ أَعْلَمُ، قَالَ: فَإِنَّ أَعْلَمَهُمْ أَبْصَرُهُمْ بِالْحَقِّ إِذَا اخْتَلَفَ النَّاسُ، وَإِنْ كَانَ مُقَصِّرًا فِي الْعَمَلِ، وَإِنْ كَانَ يَزْحَفُ عَلَى اسْتِهِ " .
وَرَوَاهُ أَبُو يَعْلَى الْمَوْصِلِيُّ: ثَنَا شَيْبَانُ، ثَنَا الصَّعْقُ ... فَذَكَرَهُ بِإِسْنَادِ أَبِي بَكْرِ بْنِ أَبِي شَيْبَةَ وَمَتْنِهِ.سیدنا عبد اللہ بن مسعود رضی اللہ عنہ سے روایت ہے کہ رسول اللہ ﷺ نے ارشاد فرمایا: ”اے عبد اللہ! کیا تم جانتے ہو کہ اسلام کا کون سا حلقہ یا کڑا سب سے زیادہ مضبوط ہے؟“ انہوں نے عرض کی: ”اللہ اور اس کا رسول ہی بہتر جانتے ہیں۔“ آپ ﷺ نے فرمایا: ”اللہ کے لیے تعلق و دوستی رکھنا، اللہ ہی کی خاطر محبت کرنا اور اللہ ہی کی خاطر دشمنی رکھنا۔ کیا تم جانتے ہو کہ لوگوں میں سب سے بڑا عالم کون ہے؟“ میں نے عرض کی: ”اللہ اور اس کا رسول ہی بہتر جانتے ہیں۔“ آپ ﷺ نے فرمایا: ”بلاشبہ لوگوں میں سب سے بڑا عالم وہ ہے جو لوگوں کے اختلاف کے وقت حق کو سب سے زیادہ پہچاننے والا ہو، اگرچہ وہ علم میں کچھ پیچھے ہو اور اگرچہ وہ اپنی سرین کے بل گھسٹ کر چلتا ہو۔“
اسی حدیث کو امام ابو بکر بن ابی شیبہ رحمہ اللہ نے بھی روایت کیا ہے، جس میں سیدنا عبد اللہ بن مسعود رضی اللہ عنہ بیان کرتے ہیں کہ میں رسول اللہ ﷺ کی خدمتِ اقدس میں حاضر ہوا تو آپ ﷺ نے دریافت فرمایا: ”اے ابنِ مسعود! کیا تم جانتے ہو کہ ایمان کا کون سا حلقہ سب سے زیادہ مضبوط ہے؟“ میں نے عرض کی: «لَبَّيْكَ يَا رَسُولَ اللَّهِ» ”حاضر ہوں اے اللہ کے رسول! اللہ اور اس کا رسول ہی بہتر جانتے ہیں“، آپ ﷺ نے تین مرتبہ ایسا ہی دریافت فرمایا، پھر ارشاد فرمایا: ”یقیناً ایمان کا سب سے مضبوط کڑا اللہ کی خاطر محبت کرنا اور اللہ ہی کی خاطر دشمنی رکھنا ہے۔“ پھر آپ ﷺ نے فرمایا: ”اے ابنِ مسعود!“ میں نے عرض کی: «لَبَّيْكَ يَا رَسُولَ اللَّهِ» ”میں حاضر ہوں اے اللہ کے رسول!“ آپ ﷺ نے دریافت فرمایا: ”کیا تم جانتے ہو کہ لوگوں میں سب سے افضل کون ہے؟“ میں نے عرض کی: ”اللہ اور اس کا رسول ہی بہتر جانتے ہیں“، تین مرتبہ دریافت کرنے کے بعد آپ ﷺ نے فرمایا: ”بلاشبہ ان میں سب سے افضل وہ ہیں جو اپنے دین کی گہری سمجھ بوجھ رکھتے ہوں۔“ پھر آپ ﷺ نے فرمایا: ”اے ابنِ مسعود!“ میں نے عرض کی: «لَبَّيْكَ يَا رَسُولَ اللَّهِ» ”میں حاضر ہوں اے اللہ کے رسول!“ آپ ﷺ نے دریافت فرمایا: ”کیا تم جانتے ہو کہ لوگوں میں سب سے بڑا عالم کون ہے؟“ آپ ﷺ نے یہ بات تین مرتبہ دہرائی تو میں نے عرض کی: ”اللہ اور اس کا رسول ہی بہتر جانتے ہیں“، آپ ﷺ نے فرمایا: ”یقیناً ان میں سب سے بڑا عالم وہ ہے جو لوگوں کے اختلاف کے وقت حق کو سب سے زیادہ بصیرت سے دیکھنے والا ہو، اگرچہ وہ عمل میں کوتاہی کرنے والا ہو اور اگرچہ وہ اپنی سرین کے بل گھسٹ کر چلتا ہو۔“
اسے امام ابو یعلیٰ موصلی رحمہ اللہ نے بھی امام ابو بکر بن ابی شیبہ رحمہ اللہ ہی کی سند اور متن کے ساتھ روایت کیا ہے۔