إتحاف الخيرة المهرة بزوائد المسانيد العشرة
كتاب الحج— حج کا بیان۔
باب فضل المدينة المشرفة وما جاء في حمى المدينة ودخولها ليلا والإقامة بها إلى الممات باب: مدینہ منورہ کی فضیلت کا بیان، اور مدینہ کے حِمیٰ (محفوظ علاقے)، رات کو اس میں داخل ہونے اور موت تک وہاں رہنے کے بارے میں جو کچھ آیا ہے۔
وَعَنْ عَمْرِو بْنِ مُرَّةَ قَالَ: أَخْبَرَنِي أَبُو الْبَخْتَرِيِّ الطَّائِيُّ "أَنَّ نَاسًا كَانُوا بِالْكُوفَةِ مَعَ أَبِي الْمُخْتَارِ فَقُتِلُوا إِلَّا رَجُلَيْنِ حَمَلَا عَلَى الْعَدُوِّ بَأَسْيَافِهِمْ فَأَفْرَجُوا لَهُمَا فَنَجِيَا أَوْ ثَلَاثَةً، فَأَتَوُا الْمَدِينَةَ فَخَرَجَ عُمَرُ وَهُمْ قُعُودٌ يَذْكُرُونَهُمْ. قَالَ عُمَرُ: (عَمَّ) قُلْتُمْ لَهُمْ؟ قَالُوا: اسْتَغْفَرْنَا لَهُمْ وَدَعَوْنَا لَهُمْ. قَالَ: لَتُحَدِّثُنِّي مَا قُلْتُمْ لَهُمْ. قَالُوا: اسْتَغْفَرْنَا لَهُمْ وَدَعَوْنَا. قَالَ: لَتُحَدِّثُنِّي مَا قُلْتُمْ لَهُمْ أَوْ لَتَلْقَوُنَّ مِنِّي قُبُوحًا. قَالُوا: إِنَّا قُلْنَا: إِنَّهُمْ شُهَدَاءُ. قَالَ عُمَرُ: وَالَّذِي لَا إِلَهَ غَيْرُهُ، وَالَّذِي بَعَثَ مُحَمَّدًا بِالْحَقِّ، وَالَّذِي لَا تَقُومُ السَّاعَةُ إِلَّا بِإِذْنِهِ، مَا تَعْلَمُ نَفْسٌ حَيَّةٌ مَاذَا عِنْدَ اللَّهِ لِنَفْسٍ مَيِّتَةٍ إِلَّا نَبِيُّ اللَّهِ؛ فَإِنَّهُ قَدْ غُفِرَ لَهُ مَا تَقَدَّمَ مِنْ ذَنْبِهِ وَمَا تَأَخَّرَ، وَالَّذِي لَا إِلَهَ غَيْرُهُ، وَالَّذِي بَعَثَ مُحَمَّدًا بِالْحَقِّ، وَالَّذِي لَا تَقُومُ السَّاعَةُ إِلَّا بِإِذْنِهِ، إِنَّ الرَّجُلَ يُقَاتِلُ رِيَاءً، وَيُقَاتِلُ حَمِيَّةً، وَيُقَاتِلُ يُرِيدُ بِهِ الدُّنْيَا، وَيُقَاتِلُ يُرِيدُ بِهِ الْمَالَ، وَمَا لِلَّذِينَ يُقَاتِلُونَ عِنْدَ اللَّهِ إِلَّا مَا فِي أَنْفُسِهِمْ، إِنَّ اللَّهَ اخْتَارَ لِنَبِيِّهِ الْمَدِينَةَ وَهِيَ أَقَلُّ الْأَرْضِ طَعَامًا، وَأَمْلَحُهُ مَاءً، إِلَّا مَا كَانَ مِنْ هَذَا التَّمْرِ ، وَإِنَّهُ لَا يَدْخُلُهَا الدَّجَّالُ، وَلَا الطَّاعُونُ إِنْ شَاءَ اللَّهُ تَعَالَى". رَوَاهُ الْحَارِثُ بْنُ مُحَمَّدِ بْنِ أَبِي أُسَامَةَ ، وَرِجَالُهُ ثِقَاتٌ.ابو البختری طائی رحمہ اللہ بیان کرتے ہیں کہ کوفہ میں کچھ لوگ ابو المختار کے ساتھ (ایک معرکے میں شریک) تھے جو سب کے سب قتل کر دیے گئے سوائے دو یا تین آدمیوں کے، جنہوں نے اپنی تلواروں کے ساتھ دشمن پر بھرپور حملہ کیا تو دشمن نے ان کے لیے راستہ چھوڑ دیا اور وہ بچ نکلے۔ پھر وہ مدینہ منورہ آئے، جب سیدنا عمر رضی اللہ عنہ تشریف لائے تو وہ لوگ بیٹھے ہوئے ان مقتولین کا تذکرہ کر رہے تھے۔ سیدنا عمر رضی اللہ عنہ نے دریافت فرمایا: ”تم ان کے بارے میں کیا کہہ رہے تھے؟“ انہوں نے عرض کیا: ہم نے ان کے لیے مغفرت کی دعا کی ہے۔ آپ نے پھر پوچھا: ”مجھے صاف صاف بتاؤ کہ تم نے ان کے حق میں کیا کہا؟“ انہوں نے پھر وہی جواب دیا کہ ہم نے ان کے لیے دعائے مغفرت کی۔ سیدنا عمر رضی اللہ عنہ نے فرمایا: ”تم مجھے ضرور بتاؤ گے کہ تم نے ان کے متعلق کیا کہا وگرنہ تمہیں میری جانب سے سختی جھیلنا پڑے گی۔“ تب انہوں نے عرض کیا: ہم نے یہ کہا تھا کہ ”وہ سب شہید ہیں“۔ یہ سن کر سیدنا عمر رضی اللہ عنہ نے فرمایا: ”اس ذات کی قسم جس کے سوا کوئی معبود نہیں، اس ذات کی قسم جس نے سیدنا محمد ﷺ کو حق کے ساتھ مبعوث فرمایا اور اس ذات کی قسم جس کے اذن کے بغیر قیامت برپا نہیں ہو گی، کوئی بھی زندہ شخص یہ نہیں جان سکتا کہ اللہ تعالیٰ کے ہاں کسی فوت شدہ شخص کے لیے کیا مقام ہے سوائے اللہ کے نبی ﷺ کے، کیونکہ آپ ﷺ کے تو اگلے پچھلے تمام گناہ معاف کر دیے گئے ہیں۔ اس ذات کی قسم جس کے سوا کوئی معبود نہیں، اس ذات کی قسم جس نے سیدنا محمد ﷺ کو حق کے ساتھ مبعوث فرمایا اور اس ذات کی قسم جس کے حکم کے بغیر قیامت قائم نہیں ہو گی، یقیناً کوئی شخص محض دکھاوے کے لیے لڑتا ہے، کوئی قومی حمیت و غیرت میں لڑتا ہے، کوئی دنیا طلبی کے لیے لڑتا ہے تو کوئی مال و دولت کی خاطر لڑتا ہے؛ پس اللہ کے ہاں ان مجاہدین کے لیے وہی کچھ ہے جو ان کی نیتوں میں تھا۔ بے شک اللہ تعالیٰ نے اپنے نبی ﷺ کے لیے مدینہ کا انتخاب فرمایا حالانکہ یہ زمین غلے کے اعتبار سے بہت کم اور پانی کے لحاظ سے نہایت کھاری تھی سوائے ان کھجوروں کے، اور «إِنْ شَاءَ اللَّهُ تَعَالَى» ”اگر اللہ تعالیٰ نے چاہا“ تو اس میں نہ تو دجال داخل ہو سکے گا اور نہ ہی طاعون کی وبا پھیلے گی۔“ اسے حارث بن محمد بن ابی اسامہ نے روایت کیا ہے اور اس کے تمام راوی ثقہ ہیں۔