إتحاف الخيرة المهرة بزوائد المسانيد العشرة
كتاب الصوم— روزے کا بیان۔
باب فيمن أفطر يوما من رمضان وفيمن ضعف عن الصوم باب: جو رمضان کا ایک دن روزہ چھوڑ دے، اور جو روزے سے کمزور ہو۔
وَعَنِ ابْنِ عُمَرَ - رَضِيَ اللَّهُ عَنْهُمَا - قَالَ: "جَاءَ رَجُلٌ إِلَى النَّبِيِّ صَلَّى اللَّهُ عَلَيْهِ وَسَلَّمَ فَقَالَ: إِنِّي أَفْطَرْتُ يَوْمًا مِنْ رَمَضَانَ. قَالَ: مِنْ غَيْرِ عُذْرٍ وَلَا سَفَرٍ؟! قَالَ: نَعَمْ. قَالَ: بِئْسَ مَا صَنَعْتَ. قَالَ: أَجَلْ. قَالَ: فَمَا تَأْمُرُنِي؟ قَالَ: أَعْتِقْ رَقَبَةً. قَالَ: وَالَّذِي بَعَثَكَ بِالْحَقِّ مَا مَلَكْتُ رَقَبَةً قَطُّ. قَالَ: فَصُمْ شَهْرَيْنِ مُتَتَابِعَيْنِ. قَالَ: لَا أَسْتَطِيعُ ذَلِكَ. قَالَ: فَأَطْعِمْ سِتِّينَ مِسْكِينًا. قَالَ: وَالَّذِي بَعَثَكَ بِالْحَقِّ مَا أُشْبِعُ أَهْلِي. قَالَ: فَأُتِيَ النَّبِيُّ صَلَّى اللَّهُ عَلَيْهِ وَسَلَّمَ بِمِكْتَلٍ فِيهِ تَمْرٌ فَقَالَ: تَصَدَّقْ بِهَذَا عَلَى سِتِّينَ مِسْكِينًا. قَالَ: إِلَى مَنْ أَدْفَعُهُ؟ قَالَ: إِلَى أَفْقَرَ مَنْ تَعْلَمُ. قَالَ: وَالَّذِي بَعَثَكَ بِالْحَقِّ مَا بَيْنَ قُتْرَيْهَا أَهْلُ بَيْتٍ أَحْوَجُ مِنَّا. قَالَ: تَصَدَّقْ بِهِ عَلَى عِيَالِكَ ". رَوَاهُ أَبُو يَعْلَى الْمَوْصِلِيُّ ، وَرِجَالُهُ ثِقَاتٌ. وَلَهُ شَاهِدٌ مِنْ حَدِيثِ سَعِيدِ بْنِ أَبِي وَقَّاصٍ رَوَاهُ الْبَزَّارُ بِسَنَدٍ ضَعِيفٍ.سیدنا ابن عمر رضی اللہ عنہما سے روایت ہے کہ ایک شخص نبی اکرم ﷺ کی خدمت میں حاضر ہوا اور عرض کی: ”میں نے رمضان کا ایک روزہ (قصداً) توڑ دیا ہے۔“ آپ ﷺ نے دریافت فرمایا: ”کیا کسی شرعی عذر اور سفر کے بغیر؟“ اس نے عرض کی: ”جی ہاں۔“ آپ ﷺ نے فرمایا: ”تم نے بہت برا کیا۔“ اس نے کہا: ”جی ہاں، اب آپ مجھے کیا حکم دیتے ہیں؟“ آپ ﷺ نے فرمایا: ”ایک غلام آزاد کرو۔“ اس نے عرض کی: ”اس ذات کی قسم جس نے آپ کو حق کے ساتھ مبعوث فرمایا! میں کبھی کسی غلام کا مالک نہیں رہا۔“ آپ ﷺ نے فرمایا: ”پھر مسلسل دو ماہ کے روزے رکھو۔“ اس نے عرض کی: ”میں اس کی استطاعت نہیں رکھتا۔“ آپ ﷺ نے فرمایا: ”پھر ساٹھ مسکینوں کو کھانا کھلاؤ۔“ اس نے عرض کی: ”اس ذات کی قسم جس نے آپ کو حق کے ساتھ مبعوث فرمایا! میں تو اپنے گھر والوں کا پیٹ بھرنے کی بھی مقدرت نہیں رکھتا۔“ راوی کہتے ہیں کہ پھر نبی اکرم ﷺ کی خدمت میں کھجوروں کا ایک بڑا ٹوکرا لایا گیا تو آپ ﷺ نے فرمایا: ”اسے ساٹھ مسکینوں پر صدقہ کر دو۔“ اس نے پوچھا: ”میں یہ کسے دوں؟“ آپ ﷺ نے فرمایا: ”جسے تم سب سے زیادہ حاجت مند جانتے ہو۔“ اس نے عرض کی: ”اس ذات کی قسم جس نے آپ کو حق کے ساتھ مبعوث فرمایا! مدینہ کے ان دو سنگلاخ میدانوں کے درمیان ہم سے زیادہ حاجت مند کوئی گھرانہ نہیں ہے۔“ آپ ﷺ نے فرمایا: ”تو پھر اسے اپنے اہل و عیال ہی کو کھلا دو۔“ اسے امام ابو یعلیٰ الموصلی نے روایت کیا ہے اور اس کے تمام راوی ثقہ ہیں، نیز اس کا ایک شاہد سیدنا سعد بن ابی وقاص رضی اللہ عنہ کی حدیث سے بھی مروی ہے جسے امام بزار نے ضعیف سند کے ساتھ روایت کیا ہے۔