❮
❯
حدیث نمبر: 2016
وَعَنْ أَبِي الْحَجَّاجِ الثُّمَالِيِّ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : "يَقُولُ الْقَبْرُ لِلْمَيِّتِ حِينَ يُوضَعُ فِيهِ: وَيْحَكَ يَا ابْنَ آدَمَ، مَا غَرَّكَ بِي؟! أَلَمْ تَعْلَمْ أَنِّي بَيْتُ الْفِتْنَةِ وَبَيْتُ الظُّلْمَةِ، مَا غَرَّكَ بِي، إِذْ كُنْتَ تَمُرُّ بِي فَدَّادًا فَإِنْ كَانَ مُصْلِحًا أَجَابَ عَنْهُ مُجِيبُ الْقَبْرِ: أَرَأَيْتَ إِنْ كَانَ يَأْمُرُ بِالْمَعْرُوفِ وَيَنْهَى عَنِ الْمُنْكَرِ؟ قَالَ: فَيَقُولُ الْقَبْرُ: إِنِّي إِذًا أَعُودُ عَلَيْكَ خَضِرًا، وَيَعُودُ جَسَدُهُ وَتَصْعَدُ رُوحُهُ إِلَى رَبِّ الْعَالَمِينَ. قَالَ لَهُ ابْنُ عَائِذٍ: يَا أَبَا الْحَجَّاجِ، وَمَا الْفَدَّادُ؟! قَالَ: الَّذِي يُقَدِّمُ رِجْلًا وَيُؤَخِّرُ أُخْرَى كَمِشْيَتِكَ يَا ابْنَ أَخِي أَحْيَانًا. قَالَ: وَهُوَ يَوْمَئِذٍ يَلْبَسُ وَيَتَهَيَّأُ".
رَوَاهُ أَبُو يَعْلَى بِسَنَدٍ ضَعِيفٍ لِتَدْلِيسِ بَقِيَّةَ بْنِ الْوَلِيدِ.
ترجمہ

سیدنا ابوالحجاج الثمالی رضی اللہ عنہ سے روایت ہے کہ رسول اللہ ﷺ نے ارشاد فرمایا: ”جب میت کو قبر میں رکھا جاتا ہے تو قبر اس سے کہتی ہے: اے ابنِ آدم! تجھ پر افسوس، تجھے میرے متعلق کس چیز نے دھوکے میں رکھا؟! کیا تجھے علم نہ تھا کہ میں آزمائش کا گھر اور اندھیروں کا ٹھکانہ ہوں؟ تجھے میرے متعلق کس چیز نے مغرور کر رکھا تھا جبکہ تو میرے پاس سے اکڑ کر چلتے ہوئے گزرا کرتا تھا؟ پھر اگر وہ شخص نیکوکار ہوتا ہے تو قبر کی طرف سے جواب دینے والا اس کی جانب سے جواب دیتا ہے: بھلا یہ تو بتاؤ اگر یہ شخص نیکی کا حکم دینے والا اور برائی سے روکنے والا ہو (تو پھر کیا معاملہ ہوگا)؟ نبی کریم ﷺ نے فرمایا: تو قبر کہتی ہے: اگر ایسا ہے تو میں اس کے لیے سرسبز و شاداب باغ میں تبدیل ہو جاؤں گی، چنانچہ اس کا جسم راحت پا جاتا ہے اور اس کی روح رب العالمین کی طرف بلند ہو جاتی ہے“۔ (راویِ حدیث) ابنِ عائذ نے سیدنا ابوالحجاج رضی اللہ عنہ سے پوچھا کہ اے ابوالحجاج! ’فداد‘ سے کیا مراد ہے؟ انہوں نے جواب دیا: ”وہ شخص جو اتراتے ہوئے ایک قدم آگے اور دوسرا پیچھے رکھ کر چلے، جیسا کہ اے میرے بھتیجے! بسا اوقات تمہاری چال ہوتی ہے“، اور اس وقت وہ (ابنِ عائذ) عمدہ لباس پہن کر تیار ہو رہے تھے۔ اس حدیث کو امام ابو یعلیٰ نے روایت کیا ہے اور بقیہ بن ولید کی تدلیس کی وجہ سے اس کی سند ضعیف ہے۔

حوالہ حدیث إتحاف الخيرة المهرة بزوائد المسانيد العشرة / كتاب الجنائز / حدیث: 2016
درجۂ حدیث محدثین: إسناده ضعيف
تخریج حدیث «رواه أبو يعلى بسند ضعيف لتدليس بقية بن الوليد»
«أخرجه مجمع الزوائد ومنبع الفوائد برقم: 3644، 3645»