❮
❯
حدیث نمبر: 1599
عَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ: "التَّكْبِيرُ فِي الْفِطْرِ يُكَبِّرُ وَاحِدَةً يَفْتَتِحُ بِهَا الصَّلَاةَ، ثُمَّ يُكَبِّرُ خَمْسًا، ثُمَّ يَقْرَأُ، ثُمَّ يُكَبِّرُ فَيَرْكَعُ، ثُمَّ يَقُومُ فَيُكَبِّرُ خَمْسًا، ثُمَّ يَقْرَأُ، ثُمَّ يُكَبِّرُ فَيَرْكَعُ".
رَوَاهُ مُسَدَّدٌ مَوْقُوفًا، وَرِجَالُهُ ثِقَاتٌ.
وَرَوَاهُ الْحَارِثُ مِنْ طَرِيقِ عَطَاءٍ وَعَمَّارِ بْنِ أَبِي عَمَّارٍ ، عَنِ ابْنِ عَبَّاسٍ ، قَالَ أَحَدُهُمَا: "كَانَ يُكَبِّرُ فِي الْعِيدِ ثَلَاثَ عَشْرَةَ تَكْبِيرَةً: سَبْعًا فِي الْأُولَى، وَسِتًّا فِي الْآخِرَةِ". وَقَالَ الْآخَرُ: "كَانَ يُكَبِّرُ ثِنْتَيْ عَشْرَةَ تَكْبِيرَةً: سَبْعًا فِي الْأُولَى، وَخَمْسًا فِي الْآخِرَةِ".
وَرَوَاهُ الْحَاكِمُ مِنْ طَرِيقِ عَطَاءٍ قَالَ: "كَانَ ابْنُ عَبَّاسٍ يُكَبِّرُ فِي الْعِيدَيْنِ ثِنْتَيْ عَشْرَةَ تَكْبِيرَةً: سَبْعٌ فِي الْأُولَى، وَخَمْسٌ فِي الْآخِرَةِ".
وَمِنْ طَرِيقِ عَمَّارٍ مَوْلَى بَنِي هَاشِمٍ عَنِ ابْنِ عَبَّاسٍ "أَنَّهُ كَبَّرَ فِي الْعِيدَيْنِ فِي الرَّكْعَةِ الْأُولَى سَبْعًا ثُمَّ قَرَأَ، وَكَبَّرَ فِي الثَّانِيَةِ خَمْسًا".
وَرَوَى الْبَيْهَقِيُّ فِي سُنَنِهِ الطَّرِيقَيْنِ عَنِ الْحَاكِمِ هَكَذَا.
ترجمہ

سیدنا عبداللہ بن عباس رضی اللہ عنہما سے روایت ہے کہ ”عید الفطر کی تکبیرات کے متعلق انہوں نے فرمایا کہ ایک تکبیر کہی جائے گی جس سے نماز کا آغاز کیا جائے گا (تکبیرِ تحریمہ)، پھر پانچ تکبیرات کہی جائیں گی، پھر قراءت ہوگی، پھر رکوع کے لیے تکبیر کہہ کر رکوع کیا جائے گا۔ پھر دوسری رکعت کے لیے قیام ہوگا تو پانچ تکبیرات کہی جائیں گی، پھر قراءت ہوگی، پھر رکوع کی تکبیر کہہ کر رکوع کیا جائے گا۔“ اسے امام مسدد نے موقوفاً روایت کیا ہے اور اس کے راوی ثقہ ہیں۔ نیز اسے حارث نے عطا اور عمار بن ابی عمار کے واسطے سے سیدنا ابن عباس رضی اللہ عنہما سے روایت کیا ہے، ان میں سے ایک راوی نے بیان کیا کہ ”وہ عید میں تیرہ تکبیرات کہا کرتے تھے: سات پہلی رکعت میں اور چھ دوسری رکعت میں۔“ جبکہ دوسرے راوی نے بیان کیا کہ ”وہ بارہ تکبیرات کہا کرتے تھے: سات پہلی رکعت میں اور پانچ دوسری رکعت میں۔“ امام حاکم نے بھی اسے عطا کے طریق سے روایت کیا ہے کہ ”سیدنا ابن عباس رضی اللہ عنہما عیدین میں بارہ تکبیرات کہا کرتے تھے: سات پہلی رکعت میں اور پانچ دوسری رکعت میں۔“ نیز بنو ہاشم کے مولیٰ عمار کے طریق سے سیدنا ابن عباس رضی اللہ عنہما سے مروی ہے کہ ”انہوں نے عیدین کی پہلی رکعت میں سات تکبیرات کہیں اور پھر قراءت کی، اور دوسری رکعت میں پانچ تکبیرات کہیں۔“ امام بیہقی نے اپنی سنن میں امام حاکم کے واسطے سے یہ دونوں طرق اسی طرح روایت کیے ہیں۔

حوالہ حدیث إتحاف الخيرة المهرة بزوائد المسانيد العشرة / كتاب صلاة العيدين / حدیث: 1599
درجۂ حدیث محدثین: رجاله ثقات
تخریج حدیث «رواه مسدد موقوفا، ورجاله ثقات»