فضائل الصحابة
فضائل عثمان بن عفان رضي الله عنه— سیدنا عثمان بن عفان رضی اللہ عنہ کے فضائل کا بیان۔
(بَابُ دِفَاعِ أُمِّ الْمُؤْمِنِينَ عَائِشَةَ عَنْ عُثْمَانَ) باب: (ام المومنین سیدہ عائشہ رضی اللہ عنہا کی طرف سے سیدنا عثمان رضی اللہ عنہ کے دفاع کا بیان)۔
حَدَّثَنَا عَبْدُ اللَّهِ ، قَالَ: حَدَّثَنِي أَبِي ، قَثَنَا هُشَيْمٌ ، عَنْ عَبْدِ الْمَلِكِ بْنِ عُمَيْرٍ ، عَنْ مُوسَى بْنِ طَلْحَةَ ، قَالَ: قَالُوا: يَا أُمَّ الْمُؤْمِنِينَ، أَخْبِرِينَا عَنْ عُثْمَانَ ، قَالَ: فَاسْتَجْلَسَتِ النَّاسَ، فَحَمِدَتِ اللَّهَ وَأَثْنَتْ عَلَيْهِ، فَقَالَتْ: يَا أَيُّهَا النَّاسُ، إِنَّا نَقَمْنَا عَلَى عُثْمَانَ ثَلَاثًا: إِمْرَةَ الْفَتَى، وَالْحِمَى، وَضَرْبَهُ السَّوْطَ، ثُمَّ تَرَكْتُمُوهُ حَتَّى إِذَا مُصْتُمُوهُ مَوْصَ الثَّوْبِ عَدَوْتُمْ عَلَيْهِ الْفِقَرَ الثَّلَاثَ: حُرْمَةَ دَمِهِ الْحَرَامِ، وَحُرْمَةَ الْبَلَدِ الْحَرَامِ، لَعُثْمَانُ كَانَ أَتْقَاهُمْ لِلرَّبِّ، وَأَحْصَنَهُمْ لِلْفَرْجِ، وَأَوْصَلَهُمْ لِلرَّحِمِ.موسیٰ بن طلحہ رحمہ اللہ سے روایت ہے کہ لوگوں نے عرض کیا: ”اے ام المومنین! ہمیں سیدنا عثمان رضی اللہ عنہ کے متعلق بتائیے۔“
راوی بیان کرتے ہیں کہ ام المومنین رضی اللہ عنہا نے لوگوں کو بٹھایا، پھر اللہ تعالیٰ کی حمد و ثنا بیان کی اور فرمایا: ”اے لوگو! ہم نے سیدنا عثمان رضی اللہ عنہ پر تین باتوں کی وجہ سے اعتراض کیا تھا: ایک نوجوان کی امارت، چراگاہ کو مخصوص کرنا اور ان کا کوڑے مارنا؛ پھر تم نے انہیں اس وقت تک چھوڑے رکھا کہ جب تم انہیں (ان اعتراضات سے) ایسا نتھار چکے تھے جیسے کپڑا دھو کر صاف کیا جاتا ہے، تو تم نے ان پر تین سنگین اور کمر توڑ دینے والی حرمتیں پامال کرتے ہوئے زیادتی کی: ان کے محترم خون کی حرمت اور شہرِ حرام کی حرمت؛ بلاشبہ سیدنا عثمان رضی اللہ عنہ سب سے زیادہ اپنے رب سے ڈرنے والے، اپنی شرمگاہ کی سب سے زیادہ حفاظت کرنے والے اور سب سے بڑھ کر صلہ رحمی کرنے والے تھے۔“