❮
❯
حدیث نمبر: 384
حَدَّثَنَا عَبْدُ اللَّهِ ، قَالَ: حَدَّثَنِي أَبِي، قَثَنَا وَهْبُ بْنُ جَرِيرٍ قَثَنَا أَبِي قَالَ: سَمِعْتُهُ مِنْ نَافِعٍ ، قَالَ وَهْبٌ: وَكَانَ يُحَدِّثُنَا بِهِ عَنْ يَعْلَى ، عَنْ نَافِعٍ ، قَالَ: كَتَبَ خَالِدُ بْنُ الْوَلِيدِ ، وَيَزِيدُ بْنُ أَبِي سُفْيَانَ ، وَعَمْرُو بْنُ الْعَاصِ إِلَى أَبِي بَكْرٍ: أَنْ زِدْنَا فِي أَرْزَاقِنَا وَإِلَّا فَابْعَثْ إِلَى عَمَلِكَ مَنْ يَكْفِيكَهُ، فَاسْتَشَارَ أَبُو بَكْرٍ فِي ذَلِكَ، فَقَالَ عُمَرُ: لَا تَزِدْهُمْ دِرْهَمًا وَاحِدًا، قَالَ: فَمَنْ لِعَمَلِهِمْ؟ قَالَ: أَنَا أَكْفِيهِ وَلَا أُرِيدُ أَنْ تَرْزُقَنِي شَيْئًا، قَالَ: فَتَجَهَّزَ، فَبَلَغَ ذَلِكَ عُثْمَانَ بْنَ عَفَّانَ ، فَقَالَ لِأَبِي بَكْرٍ: يَا خَلِيفَةَ رَسُولِ اللَّهِ، إِنَّ قُرْبَ عُمَرَ مِنْكَ وَمُشَاوَرَتَهُ أَنْفَعُ لِلْمُسْلِمِينَ مِنْ شَيْءٍ يَسِيرٍ، فَزِدْ هَؤُلَاءِ الْقَوْمَ، وَهُوَ الْخَلِيفَةُ بَعْدَكَ، فَعَزَمَ عَلَى عُمَرَ أَنْ يُقِيمَ، قَالَ: وَزَادَهُمْ مَا سَأَلُوا، قَالَ: فَلَمَّا وَلِيَ عُمَرُ كَتَبَ إِلَيْهِمْ: إِنْ رَضِيتُمْ بِالرِّزْقِ الْأَوَّلِ وَإِلَّا فَاعْتَزِلُوا عَمَلَنَا، وَقَالَ: وَقَدْ كَانَ مُعَاوِيَةُ، يَعْنِي: ابْنَ أَبِي سُفْيَانَ ، اسْتُعْمِلَ مَكَانَ يَزِيدَ ، قَالَ: فَأَمَّا مُعَاوِيَةُ ، وَعَمْرٌو فَرَضِيَا، وَأَمَّا خَالِدٌ فَاعْتَزَلَ، قَالَ: فَكَتَبَ إِلَيْهِمَا عُمَرُ: أَنِ اكْتُبَا لِي كُلَّ مَالٍ هُوَ لَكُمَا، فَفَعَلَا، قَالَ: فَجَعَلَ لَا يَقْدِرُ لَهُمَا بَعْدُ عَلَى مَالٍ إِلَّا أَخَذَهُ فَجَعَلَهُ فِي بَيْتِ الْمَالِ.
ترجمہ

نافع رحمہ اللہ بیان کرتے ہیں کہ سیدنا خالد بن ولید، سیدنا یزید بن ابی سفیان اور سیدنا عمرو بن عاص رضی اللہ عنہم نے سیدنا ابوبکر رضی اللہ عنہ کی طرف خط لکھا کہ: ”ہمارے وظائف میں اضافہ فرما دیں، ورنہ اپنی ذمہ داری (گورنری) پر کسی ایسے شخص کو بھیج دیں جو آپ کی طرف سے کفایت کرے۔“ پس سیدنا ابوبکر رضی اللہ عنہ نے اس بارے میں مشورہ کیا، تو سیدنا عمر رضی اللہ عنہ نے فرمایا: ”ان کے لیے ایک درہم کا بھی اضافہ نہ کریں۔“ انہوں نے (سیدنا ابوبکر رضی اللہ عنہ نے) پوچھا: ”تو پھر ان کے کام کی ذمہ داری کون سنبھالے گا؟“ سیدنا عمر رضی اللہ عنہ نے عرض کیا: ”ان کی جگہ میں کفایت کروں گا اور میں یہ نہیں چاہتا کہ آپ مجھے اس پر کوئی وظیفہ عطا کریں۔“ راوی کہتے ہیں: پس انہوں نے (سیدنا عمر رضی اللہ عنہ نے سفر کی) تیاری کر لی، جب یہ بات سیدنا عثمان بن عفان رضی اللہ عنہ تک پہنچی تو انہوں نے سیدنا ابوبکر رضی اللہ عنہ سے عرض کیا: ”اے خلیفہ رسول اللہ ﷺ! سیدنا عمر رضی اللہ عنہ کا آپ کے قریب رہنا اور آپ سے ان کی مشاورت مسلمانوں کے لیے اس معمولی مال سے کہیں زیادہ نفع بخش ہے، لہٰذا آپ ان لوگوں کے وظائف میں اضافہ فرما دیں، اور وہ (عمر) آپ کے بعد خلیفہ ہوں گے۔“ چنانچہ انہوں نے سیدنا عمر رضی اللہ عنہ کو (مدینہ میں) ٹھہرنے کا پابند کیا اور ان لوگوں کے وظائف میں ان کے مطالبے کے مطابق اضافہ کر دیا۔
راوی کہتے ہیں: پھر جب سیدنا عمر رضی اللہ عنہ خلیفہ بنے تو انہوں نے ان کی طرف خط لکھا: ”اگر تم پہلے والے (مقررہ) وظیفے پر راضی ہو تو ٹھیک، ورنہ ہماری ذمہ داری سے الگ ہو جاؤ۔“ راوی کہتے ہیں کہ اس وقت سیدنا یزید رضی اللہ عنہ کی جگہ سیدنا معاویہ رضی اللہ عنہ (یعنی ابن ابی سفیان) عامل مقرر ہو چکے تھے۔ راوی کا بیان ہے کہ سیدنا معاویہ اور سیدنا عمرو رضی اللہ عنہما تو (پرانے وظیفے پر) راضی ہو گئے، البتہ سیدنا خالد رضی اللہ عنہ (عہدے سے) الگ ہو گئے۔ راوی کہتے ہیں: پھر سیدنا عمر رضی اللہ عنہ نے ان دونوں (معاویہ اور عمرو) کو لکھا کہ: ”تمہارے پاس جتنا بھی مال ہے وہ سب میرے لیے لکھ بھیجو۔“ پس انہوں نے ایسا ہی کیا۔ راوی کہتے ہیں کہ اس کے بعد سیدنا عمر رضی اللہ عنہ کو ان کے پاس موجود جس مال کا بھی پتہ چلتا، وہ اسے لے لیتے اور بیت المال میں جمع کرا دیتے۔

حوالہ حدیث فضائل الصحابة / فضائل أمير المؤمنين عمر بن الخطاب رضي الله عنه / حدیث: 384
تخریج حدیث «حکم الحدیث فضائل الصحابہ محققاً تنسیق وصي الله بن محمد عباس - مکتبہ شاملہ :قال وصي الله عباس: لم يرد حكم . »