فضائل الصحابة
فضائل عبد الله بن عباس رضي الله عنه— سیدنا عبداللہ بن عباس رضی اللہ عنہما کے فضائل کا بیان۔
(بَابٌ مِنْ أَخْبَارِ ابْنِ عَبَّاسٍ) باب: (سیدنا ابن عباس رضی اللہ عنہما کے بعض احوال کا بیان)۔
حَدَّثَنَا عَبْدُ اللَّهِ ، قَالَ: حَدَّثَنِي أَبُو إِسْحَاقَ التِّرْمِذِيُّ إِبْرَاهِيمُ بْنُ نَصْرٍ ، نَا هُشَيْمٌ ، قَالَ: أَنَا خَالِدُ بْنُ صَفْوَانَ ، عَنْ زَيْدِ بْنِ عَلِيٍّ ، قَالَ: جَرَى بَيْنَ ابْنِ عَبَّاسٍ وَبَيْنَ طَلْحَةَ بْنِ عُبَيْدِ اللَّهِ كَلَامٌ، فَقَالَ: طَلْحَةُ لِابْنِ عَبَّاسٍ هَلْ لَكَ فِي الْمُنَاحَبَةِ وَتَرْفَعُ النَّبِيَّ صَلَّى اللهُ عَلَيْهِ وَسَلَّمَ؟ قَالَ: نَعَمْ، قَالَ: فَاجْعَلْ بَيْنِي وَبَيْنَكَ مَنْ شِئْتَ، فَقَالَ: بَيْنِي وَبَيْنَكَ كَعْبٌ ، فَأَتَوْا كَعْبًا فَذَكَرُوا ذَلِكَ لَهُ، فَقَالَ كَعْبٌ: "أَمَّا أَنْتُمْ مَعَاشِرَ قُرَيْشٍ فَأَنْتُمْ أَعْلَمُ بِأَنْسَابِكُمْ، وَأَمَّا نَحْنُ فَنَجِدُ فِي الْكُتُبِ أَنَّ اللَّهَ لَمْ يَبْعَثْ نَبِيًّا إِلَّا مِنْ خَيْرِ أَهْلِ زَمَانِهِ" فَقَضَى لِابْنِ عَبَّاسٍ عَلَى طَلْحَةَ.زید بن علی رحمہ اللہ سے روایت ہے کہ انہوں نے فرمایا: ”سیدنا ابن عباس رضی اللہ عنہما اور سیدنا طلحہ بن عبید اللہ رضی اللہ عنہ کے درمیان کچھ گفتگو ہوئی، تو سیدنا طلحہ رضی اللہ عنہ نے سیدنا ابن عباس رضی اللہ عنہما سے کہا: ”کیا آپ میرے ساتھ «المناحبة» (حسب و نسب پر مفاخرت کے مقابلے) کے لیے تیار ہیں اور آپ نبی ﷺ (کے ذکر) کو (اس مقابلے سے) الگ رکھیں؟“ انہوں نے فرمایا: ”ہاں۔“ سیدنا طلحہ رضی اللہ عنہ نے کہا: ”تو پھر میرے اور اپنے درمیان جسے چاہیں (ثالث) مقرر کر لیں۔“ انہوں نے فرمایا: ”میرے اور آپ کے درمیان کعب (رحمہ اللہ) ثالث ہوں گے۔“ چنانچہ وہ کعب رحمہ اللہ کے پاس آئے اور ان کے سامنے اس بات کا ذکر کیا، تو کعب رحمہ اللہ نے کہا: ”اے گروہِ قریش! تم لوگ اپنے انساب کو تو خود ہی سب سے بہتر جانتے ہو، البتہ ہم (آسمانی) کتابوں میں یہ پاتے ہیں کہ اللہ تعالیٰ نے کبھی کوئی نبی مبعوث نہیں فرمایا مگر اسے اس کے زمانے کے سب سے بہترین لوگوں میں سے ہی منتخب کیا۔“ چنانچہ انہوں نے سیدنا طلحہ رضی اللہ عنہ کے مقابلے میں سیدنا ابن عباس رضی اللہ عنہما کے حق میں فیصلہ دے دیا۔“