فضائل الصحابة
فضائل عبد الله بن عباس رضي الله عنه— سیدنا عبداللہ بن عباس رضی اللہ عنہما کے فضائل کا بیان۔
(بَابُ رُؤْيَةِ ابْنِ عَبَّاسٍ جِبْرِيلَ) باب: (سیدنا ابن عباس رضی اللہ عنہما کے جبریل علیہ السلام کو دیکھنے کا بیان)۔
حَدَّثَنَا عَبْدُ اللَّهِ ، قَالَ: حَدَّثَنِي أَبِي ، قَثَنَا أَبُو كَامِلٍ ، وَعَفَّانُ ، قَالَا: نَا حَمَّادٌ، يَعْنِي: ابْنَ سَلَمَةَ ، قَالَ: أَنَا عَمَّارُ بْنُ أَبِي عَمَّارٍ ، عَنِ ابْنِ عَبَّاسٍ ، قَالَ: كُنْتُ مَعَ أَبِي عِنْدَ النَّبِيِّ صَلَّى اللهُ عَلَيْهِ وَسَلَّمَ وَعِنْدَهُ رَجُلٌ يُنَاجِيهِ قَالَ عَفَّانُ وَهُوَ كَالْمُعْرِضِ عَنِ الْعَبَّاسِ ، فَخَرَجْنَا مِنْ عِنْدَهُ فَقَالَ: أَلَمْ تَرَ إِلَى ابْنِ عَمِّكَ كَالْمُعْرِضِ عَنِّي؟ فَقُلْتُ: إِنَّهُ كَانَ عِنْدَهُ رَجُلٌ يُنَاجِيهِ، قَالَ عَفَّانُ: ، قَالَ: أَوَ كَانَ عِنْدَهُ أَحَدٌ؟ قُلْتُ: نَعَمْ، قَالَ: فَرَجَعَ إِلَيْهِ، فَقَالَ: يَا رَسُولَ اللَّهِ، هَلْ كَانَ عِنْدَكَ أَحَدٌ؟ فَإِنَّ عَبْدَ اللَّهِ أَخْبَرَنِي أَنَّ عِنْدَكَ رَجُلًا تُنَاجِيهِ قَالَ: "هَلْ رَأَيْتُهُ يَا عَبْدَ اللَّهِ؟" قُلْتُ: نَعَمْ، قَالَ: "ذَاكَ جِبْرِيلُ، فَهُوَ الَّذِي شَغَلَنِي عَنْكَ" قَالَ عَفَّانُ: إِنَّهُ كَانَ عِنْدَكَ رَجُلٌ يُنَاجِيكَ.سیدنا عبداللہ بن عباس رضی اللہ عنہما بیان کرتے ہیں کہ میں اپنے والد (سیدنا عباس رضی اللہ عنہ) کے ہمراہ نبی ﷺ کی خدمت میں حاضر تھا اور آپ ﷺ کے پاس ایک شخص تھا جو آپ ﷺ سے سرگوشی کر رہا تھا؛ عفان رحمہ اللہ (راوی) کے مطابق (وہ ایسا منظر تھا) گویا آپ ﷺ سیدنا عباس رضی اللہ عنہ سے اعراض فرما رہے ہوں۔ پھر جب ہم وہاں سے نکلے تو انہوں نے (سیدنا عباس رضی اللہ عنہ نے) کہا: ”کیا تم نے اپنے چچا زاد (ﷺ) کو نہیں دیکھا کہ وہ مجھ سے اعراض برت رہے تھے؟“ میں نے عرض کیا: ”ان کے پاس ایک شخص تھا جو ان سے سرگوشی کر رہا تھا۔“ عفان رحمہ اللہ کے مطابق انہوں نے (سیدنا عباس رضی اللہ عنہ نے) پوچھا: ”کیا واقعی ان کے پاس کوئی تھا؟“ میں نے عرض کیا: ”جی ہاں۔“ تب وہ دوبارہ آپ ﷺ کی طرف لوٹے اور عرض کیا: ”اے اللہ کے رسول! کیا آپ کے پاس کوئی (شخص) تھا؟ کیونکہ عبداللہ نے مجھے بتایا ہے کہ آپ کے پاس ایک شخص تھا جو آپ سے سرگوشی کر رہا تھا۔“ آپ ﷺ نے دریافت فرمایا: ”اے عبداللہ! کیا تم نے اسے دیکھا تھا؟“ میں نے عرض کیا: ”جی ہاں۔“ آپ ﷺ نے فرمایا: ”وہ جبریل تھے، وہی تھے جنہوں نے مجھے تمہاری طرف متوجہ ہونے سے مصروف کر رکھا تھا۔“
عفان رحمہ اللہ (کی روایت کے الفاظ) ہیں کہ (سیدنا عباس رضی اللہ عنہ نے عرض کیا): ”بے شک عبداللہ نے مجھے بتایا کہ آپ کے پاس ایک شخص تھا جو آپ سے سرگوشی کر رہا تھا۔“