فضائل الصحابة
فضائل فاطمة بنت رسول الله صلى الله عليه وسلم— رسول اللہ ﷺ کی صاحبزادی سیدہ فاطمہ رضی اللہ عنہا کے فضائل کا بیان۔
(بَابٌ: فَاطِمَةُ بَضْعَةٌ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ) باب: (سیدہ فاطمہ رضی اللہ عنہا کے رسول اللہ ﷺ کے جگر کا ٹکڑا ہونے کا بیان)۔
حَدَّثَنَا عَبْدُ اللَّهِ ، قَالَ: حَدَّثَنِي أَبِي قَالَ: أَنَا عَبْدُ الرَّزَّاقِ ، قَالَ: أَنَا مَعْمَرٌ ، عَنِ الزُّهْرِيِّ ، عَنْ عُرْوَةَ ، وَعَنْ أَيُّوبَ ، عَنِ ابْنِ أَبِي مُلَيْكَةَ ، إِنَّ عَلِيَّ بْنَ أَبِي طَالِبٍ خَطَبَ ابْنَةَ أَبِي جَهْلٍ حَتَّى وَعَدَ النِّكَاحَ، فَبَلَغَ ذَلِكَ فَاطِمَةَ رَضِيَ اللَّهُ عَنْهَا، فَقَالَتْ لِأَبِيهَا صَلَّى اللهُ عَلَيْهِ وَسَلَّمَ: يَزْعُمُ النَّاسُ أَنَّكَ لَا تَغْضَبُ لِبَنَاتِكَ، وَهَذَا أَبُو حَسَنٍ قَدْ خَطَبَ ابْنَةَ أَبِي جَهْلٍ وَقَدْ وَعَدَ النِّكَاحَ، فَقَامَ النَّبِيُّ صَلَّى اللهُ عَلَيْهِ وَسَلَّمَ خَطِيبًا فَحَمِدَ اللَّهَ وَأَثْنَى عَلَيْهِ بِمَا هُوَ أَهْلُهُ ثُمَّ ذَكَرَ أَبَا الْعَاصِ بْنَ الرَّبِيعِ وَأَثْنَى عَلَيْهِ فِي صِهْرِهِ، ثُمَّ قَالَ: "إِنَّمَا فَاطِمَةُ مُضْغَةٌ مِنِّي وَإِنَّمَا أَخْشَى أَنْ يَفْتِنُوهَا، وَوَاللَّهِ لَا تَجْتَمِعُ ابْنَةُ رَسُولِ اللَّهِ صَلَّى اللهُ عَلَيْهِ وَسَلَّمَ وَابْنَةُ عَدُوِّ اللَّهِ تَحْتَ رَجُلٍ" قَالَ: فَسَكَتَّ عَلِيٌّ عَنْ ذَلِكَ النِّكَاحِ وَتَرَكَهُ.عروہ رحمہ اللہ اور ابن ابی ملیکہ رحمہ اللہ سے روایت ہے کہ سیدنا علی بن ابی طالب رضی اللہ عنہ نے ابوجہل کی بیٹی کو نکاح کا پیغام بھیجا یہاں تک کہ نکاح کا وعدہ بھی ہو گیا، تو یہ خبر سیدہ فاطمہ رضی اللہ عنہا کو پہنچی۔ انہوں نے اپنے والدِ گرامی ﷺ سے عرض کی: ”لوگوں کا خیال ہے کہ آپ اپنی بیٹیوں کی خاطر غضب ناک نہیں ہوتے، جبکہ یہ ابوالحسن (سیدنا علی رضی اللہ عنہ) ہیں جنہوں نے ابوجہل کی بیٹی کو پیغامِ نکاح دیا ہے اور نکاح کا وعدہ بھی ہو چکا ہے۔“
تب نبی کریم ﷺ خطیب بن کر کھڑے ہوئے، اللہ تعالیٰ کی اس کی شان کے مطابق حمد و ثنا بیان فرمائی، پھر آپ ﷺ نے سیدنا ابوالعاص بن ربیع رضی اللہ عنہ کا ذکرِ خیر فرمایا اور ان کے دامادی کے تعلق کی تعریف کی۔
پھر آپ ﷺ نے فرمایا: ”فاطمہ تو محض میرے جگر کا ایک ٹکڑا ہے اور مجھے اندیشہ ہے کہ کہیں لوگ اسے فتنے (آزمائش) میں نہ ڈال دیں؛ اور اللہ کی قسم! اللہ کے رسول کی بیٹی اور اللہ کے دشمن کی بیٹی ایک ہی شخص کے نکاح میں جمع نہیں ہو سکتیں۔“
راوی کہتے ہیں کہ اس کے بعد سیدنا علی رضی اللہ عنہ اس نکاح کے ارادے سے دستبردار ہو گئے اور اسے ترک کر دیا۔