مجموعه ضعيف احاديث

” اللہ تعالیٰ نے نبی صلی اللہ علیہ وسلم کو حکم دیا کہ اس طشتری سے جنت کی تازہ کھجوریں کھایں جو جبرئیل علیہ السلام ان کی طرف لائے ہیں اور پھر خدیجہ رضی اللہ عنہ سے ہم بستری کریں (چنانچہ آ پ نے ایسا کیا) تو خدیجہ رضی اللہ عنہما کو فاطمہ رضی اللہ عنہا کا حمل ٹھہر گیا ۔ “

” جب مجھے آسمان کی سیر کرائی گئی تو جبرئیل علیہ السلام نے مجھے جنت میں داخل کیا اور مجھے ایک سیب دیا ، میں نے وہ کھا لیا ، وہ میری پشت میں ایک نطفہ بن گیا ، جب میں نیچے اترا تو میں نے خدیجہ سے ہم بستری کی ، فاطمہ اس نطفہ سے ہے ۔ “

” میں فاطمہ اور علی جنت میں ایک سفید خیمے میں ہوں گے جس کی چھت رحمن کا عرش ہو گا ۔ “

” مجھے اللہ تعالیٰ نے حکم دیا کہ میں فاطمہ کا علی سے نکا ح کر دوں ، چنانچہ میں نے ایسا کر دیا ۔ “

” اے علی ! اللہ تعالیٰ نے تمہارا فاطمہ سے نکاح کر دیا ہے اور اس کا حق مہر زمین کو مقرر کیا ہے ، لہٰذا جو بھی اس پر تم سے نفرت کرتا ہو چلے گا وہ حرام چلے گا ۔ “

” نبی کریم صلی اللہ علیہ وسلم نے جب فاطمہ کا علی سے نکاح کرایا تو یوں خطبہ دیا «الحمد لله المحمود بنعمته المعبود بقدرته . . . » “

” جبرئیل علیہ السلام نے آسمان میں خطبہ دیا اور فاطمہ کا علی سے نکاح کرا دیا ۔ “

” جب فاطمہ رضی اللہ عنہا کو علی رضی اللہ عنہ کے پاس بھیجا گیا تو نبی صلی اللہ علیہ وسلم کے سامنے جبرئیل علیہ السلام دائیں جانب ، میکائیل علیہ السلام بائیں جانب اور ستر ہزار فرشتے ان کے پیچھے تھے جو اللہ تعالیٰ کی تسبیح و تقدیس بیان کر رہے تھے حتی کی فجر طلوع ہو گئی ۔ “

” میری بیٹی فاطمہ انسانی حور ہے ، یہ کبھی حائضہ نہیں ہوئی اور اس کا نام فاطمہ (چھڑانے والی) اس لیے ہے کیونکہ اللہ تعالیٰ نے اسے اور اس سے محبت کرنے والوں کو جہنم سے چھوڑ دیا (یعنی آزاد کر دیا) ہے ۔ “

” فاطمہ رضی اللہ عنہا نے اپنے ناموس کی حفاطت کی ، لہٰذا اللہ نے اسے اور اس کی اولاد کو آتش جہنم پر حرام کر دیا ۔ “

” (میری بیٹی فاطمہ عرش کے پائے پکڑ کر کہے گی اے عادل و منصف پروردگار !) میرے اور میرے بیٹے کے قاتل کے درمیان فیصلہ فرما ۔ “

” قیامت کے روز پردوں کے پیچھے سے ایک منادی اعلان کرے گا کہ اے اس اجتماع کے لوگو ! فاطمہ بنت محمد صلی اللہ علیہ وسلم کے گزرنے تک اپنی نطریں جھکائے رکھو ۔ “

” میرے پاس جبرئیل علیہ السلام تشریف لائے اور فرمایا کہ اللہ تعالیٰ فاطمہ رضی اللہ عنہا سے محبت کرتے ہیں ۔ “

” جسے مجھ سے محبت ہے وہ علی سے محبت کرے اور جسے علی سے محبت ہے وہ فاطمہ سے محبت کرے ۔ “