تفسیر السعدی (عبدالرحمٰن السعدی) — سورۃ الزمر (39) — آیت 26

﴿فَاَذَاقَهُمُ اللّٰهُ ﴾ ”پس اللہ نے انھیں چکھایا۔“ یعنی اس عذاب کے ذریعے سے ﴿الْخِزْیَ فِی الْحَیٰوةِ الدُّنْیَا ﴾ دنیا ہی میں رسوائی کا مزہ چکھایا، چنانچہ وہ اللہ تعالیٰ اور اس کی مخلوق کے ہاں رسوا ہو گئے۔ ﴿وَلَعَذَابُ الْاٰخِرَةِ اَكْبَرُ١ۘ لَوْ كَانُوْا یَعْلَمُوْنَ ﴾ ”اور آخرت کا عذاب تو بہت بڑا ہے کاش! وہ جان لیتے۔“ اس لیے ان لوگوں کو آپ کی تکذیب پر جمے رہنے سے بچنا چاہیے ورنہ ان پر بھی وہی عذاب نازل ہو گا جو گزشتہ قوموں پر نازل ہوا تھا۔