(آیت 7) ➊ {وَمَاۤاَرْسَلْنَاقَبْلَكَاِلَّارِجَالًا …:} یہ {”هَلْهٰذَاۤاِلَّابَشَرٌمِّثْلُكُمْ“} (یہ تم جیسے ایک بشر کے سوا ہے کیا) کا جواب ہے، یعنی وہ تمام رسول جو آپ سے پہلے آئے، جن کے رسول ہونے کو یہ بھی مانتے ہیں، مثلاً ابراہیم، اسماعیل اور اسحاق علیہم السلام وغیرہم، وہ سب بشر تھے، جن کی طرف ہم وحی کرتے تھے۔ تو یہ لوگ آپ کو بشر ہونے کی وجہ سے رسول کیوں نہیں مانتے؟ دیکھیے سورۂ انعام (۹۱) سیدہ عائشہ رضی اللہ عنھا فرماتی ہیں: [كَانَبَشَرًامِّنَالْبَشَرِيَفْلِيْثَوْبَهُوَيَحْلِبُشَاتَهُوَيَخْدِمُنَفْسَهُ][مسند أحمد: 256/6، ح: ۲۶۲۴۸۔ سلسلۃ الأحادیث الصحیحۃ: ۶۷۱]”آپ صلی اللہ علیہ وسلم انسانوں میں سے ایک انسان تھے، اپنا کپڑا خود ٹٹول لیا کرتے تھے اور اپنی بکری کا دودھ خود دوہ لیتے تھے اور اپنا کام خود کر لیتے تھے۔“ زمین میں اگر فرشتے رہا کرتے تو رسول بھی فرشتہ آتا، اب انسان بستے ہیں تو ان کے لیے نمونہ اور ان کی رہنمائی کرنے والا انسان ہی ہو سکتا ہے۔ دیکھیے سورۂ بنی اسرائیل (۹۴، ۹۵)۔ ➋ {فَسْـَٔلُوْۤااَهْلَالذِّكْرِ …:} اس جملے کی مفصل تفسیر کے لیے دیکھیے سورۂ نحل (۴۳)۔
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
