(آیت 8){ اَلَيْسَاللّٰهُبِاَحْكَمِالْحٰكِمِيْنَ:} کوئی معمولی سا انصاف کرنے والا ہو وہ بھی اپنے اختیار میں جزا و سزا کا اہتمام کیے بغیر نہیں رہے گا، تو اللہ جو سب حاکموں سے بڑا حاکم ہے، وہ اس کا اہتمام کیوں نہیں کرے گا؟ ترمذی وغیرہ میں ابوہریرہ رضی اللہ عنہ سے ایک روایت ہے کہ رسول اللہ صلی اللہ علیہ وسلم نے فرمایا: ”جب تم میں سے کوئی سورت {”وَالتِّيْنِوَالزَّيْتُوْنِ“} پڑھے اور {”اَلَيْسَاللّٰهُبِاَحْكَمِالْحٰكِمِيْنَ“} پر پہنچے تو کہے: [بَلٰیوَأَنَاعَلٰیذٰلِكَمِنَالشَّاهِدِيْنَ][ترمذي، تفسیر القرآن، باب و من سورۃ والتین: ۳۳۴۷]”کیوں نہیں! اور میں اس پر شہادت دینے والوں میں سے ہوں۔“ مگر یہ روایت صحیح نہیں، کیونکہ ترمذی رحمہ اللہ نے فرمایا کہ ابوہریرہ رضی اللہ عنہ سے ایک اعرابی نے یہ روایت بیان کی ہے جس کا نام ہی معلوم نہیں۔
تفسیر احسن البیان از حافظ صلاح الدین یوسف
8۔ 1 جو کسی پر ظلم نہیں کرتا اور اس کے عدل ہی کا یہ تقاضا ہے کہ وہ قیامت برپا کرے اور ان کی داد رسی کرے جن پر دنیا میں ظلم ہوا۔
